الورقي
بالصور| سما المصري توجه رسالة قاسية لـ«تركي آل الشيخ».. والأخير يطالب بتدخل الرئيس
وجَّهت الفنانة الاستعراضية المصرية، سما المصري، رسالة إلى المستشار تركي آل الشيخ، رئيس الهيئة العامة للرياضة السعودية، عبر حسابها الشخصي على «إنستجرام».
وجاء نص رسالة «المصري» لـ«تركي آل شيخ» كالتالي:
« أنا اسمي سما المصري مش مها المصري.. وأنت زعلان عشان اتحاد الكرة رد عليا وماردش عليك، وطالع تقول إنهم بيردوا بس على مها المصري أولا الاتحاد رد عليا عشان قدمت طلب رسمي لهم، وثانيا عشان الرأي العام كله طلب منهم يردوا.. حضرتك اتفضل قدم لهم طلب رسمي زي ما أنا عملت وهم هيردوا عليك علطول.. عندنا في مصر محدش أحسن من حد، ومحدش بيسقع لحد ولا بيطنش طلبات حد، ممكن أي مؤسسة في البلد تتأخر في الرد على طلبات الناس لكن في الآخر بيردوا، مؤسسات مصر مؤسسات محترمة.. اطلب من الاتحاد اللي أنت عايزه بطلب رسمي مش عبر شاشات التلفزيون وأوعدك هيردوا عليك، ولو ماردوش ابقى ابعته ليا وأنا أوصله ليهم وأوصيهم إنهم يردوا.. عندنا روتين وبطء صحيح في البلد كلها، بس في الآخر لك حق هتاخده زي أي واحد عايش في البلد دي عشان دي جمهورية مصر العربية.. مصر فقيرة آه بس عندنا دم وكرامة وما يصحش تتكلم عن مؤسسات مصر بالشكل ده، أنت ضيف على راسنا من فوق تكرم عشان خاطر السعودية وأهلها الكرام، لكن ماتجرحش فينا عشان بتدعم وتستثمر في الرياضة.. ياجماعة كله يدعم هاشتاج #ردوا_علي تركي_آل_شيخ عشان الاتحاد يرد عليه زيي عشان ما يزعلش».
وسبق وانتقد تركي آل شيخ أداء اتحاد الكرة المصري وتفرغه للرد على سما المصري، وطالب الرئيس عبد الفتاح السيسي، مساء أمس، الأربعاء، بالتدخل والنظر فيما يحدث بالدوري العام الممتاز لكرة القدم في مصر، وبصفة خاصة مع فريقه الذي امتكله، مؤخرا، تحت اسم نادي بيراميدز.
وانتقد «آل الشيخ» الظلم التحكيمي الذي يتعرض له فريقه، على حد وصفه- خلال مباريات الدوري العام في مصر، متحدثا في مداخلة هاتفية عبر قناة «بيراميدز» بعد لقاء ناديه مع منافسه الجونة وتعادلهما بهدف لكل فريق، ليطالب خلال كلامه بـ«العدالة التحكيمية» لجميع الفرق المصرية.
