بالصور التي تنشر لأول مرة.. 4 معلومات هامة عن «جاردن ستي» العاصمة الإدارية الجديدة

نشر هاني يونس، المتحدث باسم وزارة الإسكان، عبر حسابه الشخصي على موقع التواصل الاجتماعي "فيس بوك"، صورًا لفيلات حي جاردن سيتي الجديدة بالعاصمة الإدارية الجديدة.

ودّون "يونس" عبر منشوره قائلًا: "مساء الجمال.. من شوية نزلت صورتين من الصور دي وسألت حضراتكم.. يا ترى يا هل ترى هيا فين؟.. أقولكم أنا، ده شغل هيئة من أفضل الهيئات في بلدنا، هيئة المجتمعات العمرانية الجديدة، ممكن حضرتك تاخد نفس عميق جدًا جدًا، وتقول بِسْم الله ما شاء الله، طب هقول لسيادتك حاجة حلوة لما تسأل عن التخطيط الرائع والجمال، يبقى وزارة الإسكان وهيئة المجتمعات العمرانية الجديدة".

وأضاف متحدث "الإسكان": "لما تفكر في جودة التنفيذ يبقى حضرتك تقصد هيئة المجتمعات ورجالها، طب لما تحب تشوف جمال الذوق الرفيع والرقي العالي يبقي أكيد أكيد هو جهاز العاصمة الإدارية الجديدة برجالته".

وأكمل "يونس": "كنّا قلنا من كام شهر قليلين إن وزارة الإسكان بتعمل حي جاردن سيتي الجديدة الجديد في العاصمة الإدارية، الكلام دا كان في شهر 8 اللي فات صحيح؟، طب حضرتك وسيادتك وكلنا انبهرنا بجمال التصميم وقلنا معقول الجمال دا يبقى فب مصر، طب إيه رأيك بقى في جمال الواقع لما يتحقق برونقه وسحر جماله وجمال التصميم اللي انبهرنا بيه، اللي بعون الله أصبح حقيقة".

واستكمل "يونس": "ها هي فيلات جاردن سيتي الجديدة بوزارة الإسكان بالعاصمة الإدارية الجديدة، تحدي جديد.. شعاع النور الذي ينطلق من جديد من قلب العاصمة الإدارية الجديدة وعلى بعد 5 دقائق من الحي الحكومي، وزارة الإسكان تنير أول فيلا في الحي الخامس R5 جاردن سيتي الجديدة، ده نموذج شطبناه ولسة، الدكتور مصطفى مدبولى بيقول هنجود فيه أحسن وأحسن، سمعونا تحيا مصر".