الورقي
تركي آل الشيخ "يقلب" الخطيب على جمر النار من جديد بسبب عبد الله السعيد
واصل المستشار تركي آل الشيخ تدويناته القوية، بعد الفوز الثاني لبيراميدز
على الأهلي، وقرر استغلال موهبته في تحويل دراما رحيل عبد الله السعيد عن الأهلي،
وتخبط إدارة القلعة الحمراء في عقد الصفقات، ورفع سقف المبالغ التي تم التعاقد بها
مع اللاعبين، إلى قصة قصيرة، انتقد فيها مجلس إدارة الأهلي برئاسة الخطيب، وقلب عليهم الأوجاع على جمر نار عباراته القوية.
وقال فيها بطريقة الراوي الشهيرة:
هاحكيلكو حدوتة صغيرة ...
"نجم فريق كرة قدم كان سعيد وبيسعد جمهور فريقه، انتهى عقده وطلب ١٠ جنيه راتب عشان يجدد لإن ده اخر عقد ليه وهو لاعب دولي كبير وعاوز يأمن مستقبله، يتقال له: لأ لأن عندنا سقف للرواتب، فيروح يدور على مستقبله، فيقولوله بمساعدة صديق (مش أنا): ارجع احنا موافقين، ويطلعوه بعد ما يمضي بساعات ويقولوله رجعنا بكلامنا، ويروح وتلف الدنيا، وبعدها بشهور يروحو جايبين لاعب مش في المنتخب، ويدوله راتب ١٥ جنيه، ولاعب تاني برضو مش في المنتخب وليه سنه علي الدكه، ويدوله في ٦ شهور ٢٠ جنيه، يبقى دي مش إداره أو سيستم ده بيزرعو فجل (طبعا انا بقصد واحد)، وتلف الدنيا ويرجع اللاعب اللي كان بيسعد جمهوره ويهزمهم مرتين ... ربنا كبير ... آه افتكرت كان خايف اني اخذ منه اللقطة ... سبت ليك اللقطه بس طلعت بدون ألوان"
