أول تعليق من بنات شريف منير على واقعة التنمر والتحرش الإلكتروني (فيديو)

نشر النجم شريف منير، مقطع فيديو قصير عبر حساباته الرسمية على مواقع التواصل الاجتماعي، برفقة بناته فريدة وكاميليا بعد الهجوم الذي تعرض له، على خلفية صورتهما على موقع "إنستجرام".

وبعد موجة غضب شديدة، لن يستسلم "منير" لما تعرضت له بناته من تنمر وسب وتجريح، حيث قال بمقطع الفيديو: "مساء الخير، دول المذنبين، دول المتهمين، اللي عملوا المصيبة، اللي بوظوا البشرية، اللي أذوا الناس، اللي أذوا الدين، لان الناس اللي شتموني بيكلموني بالدين، هما دول اللي أذوا الدنيا كلها البنتين الكبار أوي دول!!".

وأضاف: "بشكر كل الناس اللي وقفت جنبي، وبشكر كل الناس اللي دعمتني، ودعمت فريدة وكاميليا، وأنا بشكركم على إحساسكم وشعوركم".

وطالب منير قائلاً: "اللي طالبه منكم النهاردة لازم يكون في وقفة قوية، لازم كلنا نبقى إيد واحدة، أي حد يتجاوز حدوده بلفظ خارج ما تسكتوش، أعملوا بلاغ" مشيداً بدور النائب العام وتحركه السريع في أزمته حيث قال:" الأهتمام غير طبيعي من قبل النيابة، والناس فارق معاها الموضوع جدا، وعايزين يساعدوا".

وتابع "لازم نقول لا للسفالة، لا للقذارة، الناس دي مش عايزينها في حياتنا، لازم بقى تنشطوا شوية وتعملوا بلاغات متتالية لمباحث الانترنت، دول بناتي اللي اتهانوا عشان كنت بس فرحان بيهم، ولكن الرد هيكون جامد أوي".

ووعد شريف منير بناته بأن حقهن سوف يعود، وعلق قائلاً: " وأنا بقولكوا حقكوا هيرجع، اي حد يتعرض لاي أذى أو أي إهانة هيجيلوا حقه لغاية عنده، ومش هيكون على مواقع التواصل الإجتماعي بعد كدا لفظ واحد غلط، أنا مستني الملايكة يردوا عشان كله هيبقى بحسابه".

وكان النجم شريف منير، نشر في الساعات القليلة الماضية، صورة ابنتيه "كاميليا وفريدة"، ثم حذفها بعدما تعرض لسباب وتجريح فيه وفي بناته، ثم عاد لنشر الصورة مرة أخرى بعد حذفها من حسابه بموقع "إنستجرام"، وكتب عليها قائلاً:" "أنا إمبارح نزلت صورة بناتي (الصغيرين) ولقيت تعليقات من ناس مريضة، جرحوني وجرحوا بناتي، وتحت ضغط من بناتي ووالدتهم، طلبوا مني امسح الصورة، فمسحتها، لكن أنا نزلتها تاني، لأن شوية الهمج المتخلفين دول مش هما اللي هيحددوا انشر ايه وما أنشُرش ايه، وأي حد هيكون على أي صفحة تخصني، لو تعدى حدوده، هتاخد الإجراء القانوني ضده، اللي بيوصل للسجن أحيانا".