شاهد.. هنا الزاهد توضح السبب الحقيقي لانفعال زوجها أحمد فهمي على "شيكابالا"

حرصت الفنانة هنا الزاهد على توضيح السبب الحقيقي وراء هجوم زوجها الفنان أحمد فهمي على لاعب الزمالك محمود عبد الرازق "شيكابالا"، بعد مباراة القمة التي وقعت بين الزمالك والأهلي منذ عدة أيام.

وكشفت "هنا" عن كواليس الخلاف وأن زوجها لم يكن يقصد أن يثير الجدل وإنه طيب وعفوي بعض الشيء وهذا الأمر يجلب له الكثير من المشاكل.

وكتبت "هنا" عبر حسابها الرسمي على موقع التواصل الاجتماعي "فيسبوك": "بعيدًا إن شهادتي فيه مجروحة لأن الناس هتقول بقول الكلام ده عشان جوزها، أنا لا بفهم في الكورة ولا بتفرج عليها بس بشوف قد إيه الإنسان ده بيحب يكون عفوي وبينسى أنه ممثل وبيتعامل مع كل الناس بكل ذوق حتى في الشارع وفي التصوير وفي كل مكان والناس اللي عرفاه عرفين ده كويس، أنا عارفة أنه الناس بتفضل تقول لا ده ممثل مينفعش يقول رأيه".

وتابعت هنا الزاهد في رسالتها: "بس للأسف الإنسان ده بينسى وبيخسر من كتر ما هو  اللي فى قلبه على لسانه ومش بيحب ينافق ولا بيرضي حد عشان يكسب جمهور زي ما ناس كتير بتعمل كده، لما بيكتب رأيه بيكتبوا على أكونت فيس بوك اللي في صحابه زيه زي أي حد أهلاوي بس للاسف بتطلع أخبار بالكلام اللي بيقولوا".

واختتمت حديثها قائلة: "عموما أنا عايزة اقولك انك قلبك طيب وعفوي بزيادة و بتقول اللي جواك من غير متحسبها عشان بتنسى أنك ممثل أصلاً بس الأيام دي مينفعش تبقى كده للاسف، واعمل اللي يريحك لأنك إنسان وإحنا كده كده بنحبك جدا".

ليرد عليها أحمد فهمي في تعليق، قائلًا: "انت اكتر واحدة عارفاني ومعشراني.. بس والله انا خلاص مش فارقلي حاجة اصلا".