طلب الفنان أحمد العوضي، من جمهوره ومتابعيه، عبر حسابه الرسمي على موقع التواصل الاجتماعي "فيسبوك" الدعاء لزوجته الفنانة ياسمين عبد العزيز، بعد خضوعها لعملية جراحية.

ونشر "العوضي" صورة تجمعه بزوجته وعلق عليها قائلاً:" يمكن ببان  قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا ... انا ضعيف جدا من غيرك انتي لازم تبقي كويسه ولازم تقومي بالسلامه ...   انا لاول مره اكتب من غير ما اكون مفكر انا بكتب ايه وهكتب ايه".

وأضاف:" بس انتي هتقومي ان شاء الله باذن الله عشان انتي وعداني وعد وهتتفذيه ... انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف  مره".

وتابع" وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك .... قومي عشان انا بحبك...  بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك".

واختتم حديثه قائلاً:" ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم". 

وكان الفنان أحمد العوضي، أعلن أن زوجته الفنانة ياسمين عبد العزيز، تجري عملية جراحية، دون الكشف عن تفاصيل حالتها الصحية.