شهد رمزي تكشف حقيقة خضوعها لعملية تجميل

كشفت المنتجة شهد رمزي، عبر حسابها الرسمي على موقع تبادل الصور والفيديو "إنستجرام" عن حقيقة خضوعها لعمليات تجميل، من خلال صورة لها من غير ماكياج.

وعلقت "شهد" على الصورة قائلة: "صوره من غير ميكب.. بس حقيقي الرموش والحواجب فارقين جدا.. حبي نفسك و كل الناس هاتشوف اللي أنتي شايفاه فيها وحباه".

وأضافت: "أتصالحي مع عيوب وشك و لو في أي حاجه نفسك تغيريها، حبيها الأول و طبعا أنا مع أن لوحد محتاج تجميل يعمل، بس لنفسك قبل ما يكون لأي حد.. أنا كميه الناس اللي كانوا بيقولوا أني عامله تجميل مريب، من وأنا طفله عندي ١١ سنه".

واستكملت شهد رمزي قائلة: "اللي قال مناخير و اللي قال حجات تانيه كتير.. الحمدلله أنا مرتاحة بشكلي حتى لو في حجات أكيد أحلى، كل حاجه فيها أحلى.. علشان كدة حلاوة الروح و جمال الروح يكسب آي جمال".

وتابعت: "المجتمع والانترنت فارض علي ست ضغوط غير عاديه.. أنتي مش في منافسه مع أي حد غير نفسك، حبيها، خليكي مقتنعة أن الجمال الحقيقي في القلب و الروح، وأنا مع جدا انك لو محتاجة حاجه اعمليها طبعا بس علشان نفسك مش علشان ناس ماتعرفهاش علي الانترنت".

وكشفت: "أنا بعلم بنتي أن جمالها الحقيقي في قلبها و روحها، لأنها أكيد في عيني أجمل البنات لكن عايزاها تكون في عين نفسها جميله و تثق بروحها و تشوف الناس جميله و أجمل و تفرح مش تغير أو تتمني تكون حد تاني.. كوني أنتي فقط، كوني مميزه بشخصيتك و بشكلك و بكل تفصيله فيكي..  أنا ماعرفش ليه كتبت كل ده بس حاسيت أن في ناس كتير محتاجة تسمع الكلام ده.. و بجد أنا بشوف كل البنات جمال".

شهد رمزي، هي نجلة المنتج الراحل محمد حسن رمزي وشقيقة الفنان شريف رمزي، وطليقة المنتج كريم السبكي، التي انفصلت عنه في سرية تامة منذ عدة شهور، بعد زواج دام لما يقرب من ثلاث سنوات وأسفر عن إنجاب ابنتهيما "ليالي" التي تعيش مع والدتها حاليًا.