بطلوا صياح.. تصريحات صادمة من نائب جامعة الأزهر بعد مطالبات بعودة الكتب الورقية

ودوّن «الشربيني» عبر صفحة المدينة الجامعية بجامعة الأزهر منشورًا، يطالب الطلاب بالتوقف عن الصياح -بحد وصفه- وشرح خلاله خطة الجامعة وفقًا لاستراتيجية مصر 2030، التي تهدُف إلى التحول الرقمي لمصر في المجالات كافة.

وكتب نائب رئيس جامعة الأزهر في منشوره، "شباب نسيبنا من الصياح، وتعالوا نفهم موضوع الـ CD مع بعض كدة وبالراحة، علشان تعرف إيه الحكاية صح وما تاخدش الكلام من أي حد، القصة من بدايتها أن استراتيجية مصر 2030 هي إن مصر رقمية، وأكيد عدى عليكم الكلام ده، وسمعتوه بدل المرة ألف، وأكيد كمان عارفين ان فيه حاجة اسمها الحكومة الإلكترونية، وأن كل الخدمات اللي بتروح تعملها وتقف طابور ممكن تخلصها وتجيلك لحد البيت، فيه منكم سمع ده وفيه منكم جربه، طيب الكلام ده معناه ان مصر كلها بتتحول لدولة رقمية، واحنا أكيد جزء من الدولة، ولو الجامعة ما طبقتش انت نفسك اللي هتقولنا هو احنا ليه متأخرين، كل الجامعات هتطبق cd، وبينى وبينك ريحوا دماغهم وحتى مش سامعين الطلبة بتوعهم بيصيحوا زي انتم ما بتصيحوا".

وتابع «الشربيني»: "طيب هل احنا في الأزهر حتطبق الـcd؟ الحقيقة لأ لسببين مهمين أنتوا عارفينهم وهقولهم للتذكرة أن الـcd محتاج لابتوب، طيب هيبقى على موقع الجامعة؟ هتبقى محتاج تكون باستمرار أونلاين وكتير منكم من مناطق الشبكة فيها ضعيفة أو مش موجودة، وبرضة هتبقى بتدفع تكلفة عالية في الإنترنت، طيب الحقيقة بقى احنا بنعمل ايه؟ شوف يا سيدي، احنا بنعمل موبايل آبلكيشن هتنزله على المحمول بتاعك أول مرة، وأنت جهازك على النت زى ما بتنزل اى آبلكيشن من جوجل ستور، وكده كتبك هتبقى على تليفونك وتقدر تتصفحها في أي وقت سواء انت واصلك نت أو مفيش نت".

وكشف نائب رئيس جامعة الأزهر أن استبدال الكتب الإلكترونية بأبليكيشن، تكلفته مرتفة جدًا، قائلًا: "سعر الحكاية دي غالي؟ لأ أرخص من الكتب لأن الجامعة مسعرة الكتاب الـ200 ورقة بتقريبًا 25 جنيه، والسعر هيكون سعر الرسمي، بس خلي بالك بقى انك لو اديت صاحبك باسووردك أو بعتله آبلكيشن، نسختك هتتمسح تلقائي، وزميلك هو اللى هيدخل من جهازه، وسيبكم من حكاية الزغللة دي يا مساكين، مانتوا قاعدين تشيتوا ليل نهار على مواقع التواصل الاجتماعي واديك قاعد أهو لسه عمال تقرأ".

وتمنى التوفيق للطلاب، مؤكدًا أن الجامعة أرسلت مجموعة من طلاب الجامعة على مهارات سوق العمل، على رأسها البرمجة وأمن المعلومات وتصميم المواقع وغيرها، "بتمنالكم التوفيق من قلبي وخلوا بالكم أن الدنيا كلها بقت مبنية على التكنولوجيا، وحتى لما تطلع سوق العمل هتلاقى نفسك محتاج تتطور مهاراتك التكنولوجية، علشان تجاري سوق العمل، احنا زمايلكم السنة دى في الإجازة أيا كان تخصصاتهم، بعتنا عدد كبير منهم اتدرب على مهارات سوق العمل، زي البرمجة وأمن المعلومات وتصميم المواقع ده غير الإنجليزي والألماني علشان تساعدهم في سوق العمل، وده تم بالتعاون مع وزارة الاتصالات وجهات مختلفة لتعليم الحاجات دي وفيه زمايل ليكم اشتغلوا بيها وجابوا منها فلوس".

واختتم «الشربيني» منشوره مدوّنًا: "احنا مش مهمتنا في الجامعة إننا نديك معرفة بس، لكن كمان اننا نساعدك تكون مستعد لبكرة، وانك تكون بتلبي احتياجات سوق العمل، علشان تعرف تشتغل وتكون فرد منتج حقيقي في المجتمع، ماتقلقوش واتطمنوا، قريب بإذن الله هيبتدى التطبيق يخرج للنور ومفيش CD عندنا فى الأزهر، واللي عنيه تزغلل يقوم يتوضى ويصلي ركعتين".

تجدر الإشارة إلى أن جامعة الأزهر، قررت إلغاء التعامل بالكتاب الورقي نهائيًا، بدءًا من العام الدراسي الحالي، ونص قرار الجامعة على الآتي: