«بعد توجيهات السيسي».. تفاصيل البدء فى حصر المصانع غير المرخصة بالبساتين

وقال الحي عبر صفحته الرسمية بموقع التواصل الاجتماعي «فيسبوك» إنه تم التنسيق مع قسم شرطة البساتين وشرطه المرافق بالحي والادارات المعنية (إدارة المتابعه الميدانيه وإدارة الإشغالات وإدارة المحلات) للقيام بحصر مصانع الكابلات غير المرخصه بمنطقة المصانع بأرض الإيرانية.

وأضاف أنه تبيّن من خلال المرور وجود عدد (4) مصانع تدار بدون ترخيص، وعدد (2) مصنع تدار بترخيص من الهيئة العامة للتنمية الصناعية، وجاري اتخاذ كافة الإجراءات القانونية اللازمة بالتنسيق مع الجهات المعنية قسم شرطة البساتين ومباحث المرافق واستكمال أعمال الحصر.

يأتي ذلك بعد حديث الرئيس عبد الفتاح السيسى عن قيام وزارة الداخلية يوميا بضبط عشرات المصانع التي تعمل بدون ترخيص واتخاذ الإجراءات القانونية ضدهم، خلال افتتاحه بعض المشروعات القومية الجديدة فى محافظة قنا ضمن فاعليات «أسبوع الصعيد»، والذي يُعد بمثابة الضوء الأخضر لعملية تقنين أوضاعهم والعمل على إيجاد طريق شرعي لتصحيح مسارهم ودمجهم في المنظومة الصناعية، بما يتناسب مع المعايير المطلوبة.

وطالب الرئيس بحصر المصانع التي تعمل بالمخالفة وبدون ترخيص وذلك لضمها لمنظومة الاقتصاد الرسمي في الدولة.

وقال الرئيس نصًا لوزير الداخلية اللواء محمود توفيق ولوزيرة الصناعة نيفين جامع: «الكلام اللي هقوله غريب أوي وغريب جدا، كل يومين أبص ألاقي وزارة الداخلية ماسكة مصانع بدون ترخيص، وبقول إن دي ناس حاولت تشتغل حتى لو كانت طريقة العمل مش مضبوطة، طيب ما ممكن أقنن وضعه وأشرعنه، وأقوله تعالى إحنا مسكناك غلط وتعالى نعمل الصح».

وتابع الرئيس: «هل في حصر على إجمالي 5 سنوات، يا جماعة لو مسكتوا النهاردة مصنع في القاهرة طيب أقرب منطقة صناعية ليها إيه، طيب نقول تعالى في المكان ده واشتغل ونقنن وضعه مش علشان ناخد منه حاجة، أوعوا تفتكروا إن البلد هدفها تستجدي ضرائب، لأ، مش عايزين حد يغلط أو يخالف القانون، بنقول إنك حاولت حتى لو غلط ولكن إحنا معاك في المحاولة ومش في الغلط».

وواصل الرئيس: «قولولي حجم المصانع دي أد إيه والأشغال اللي بتشتغل فيها إيه، الهدف من حركتنا حركة بناء وليس حساب، تعالى نشتغل سوا وأوفرلك مكان، وأنا مش باصص أوي على الإيجار عايزة تخفضي أكتر من كده خفضي، أوعوا تفتكروا إننا لما اتكلمنا على المجمعات الصناعية الجديدة قولنا نعلهم إحنا ونعمل ليهم كل الإجراءات علشان نوفر وقت للناس، طيب دلوقت بوفر الأرض ومرافقها والمباني وأديك الترخيص كمان وأنت عليك تعمل إجراءات العمل المتبقية للإنتاج، أقدر أعمل تاني زي اللي اتعمل.. طبعا، دي كلمة هقولها».