الورقي
محمد صلاح يكشف وظيفته بعد الاعتزال ودعاء والدته وازمة الفطير المشلتت
أعلن محمد صلاح كابتن منتخب مصر عن صدمته من اختيارات البالون دور لافضل لاعب فى العالم وكونه جاء فى المركز السابع من حيث ترتيب اللاعبين فى العالم وذلك خلال ظهوره ضيفا على الإعلامية إسعاد يونس في بث مشترك عبر قناتي dmc والقناة الأولى بالتلفزيون المصرى، وتحدث محمد صلاح فى الكثير من الأمور الخاصة بمشواره الاحترافى وبعض الأسرار والكواليس الخاصة بزوجته ماجى وبناته مكة وكيان وكذلك والدته والدعاء الذى تدعو له به إلى جانب المحاذير فيما يخص طعامه ومعيشته فى إنجلترا وأمور كثيرة كسف عنها لأول مرة فى حواره.
وكل ما يلي في السطور التالية على لسان محمد صلاح:
"معرفش الاختيارات مبنية على إية في جايزة ذا بيست، شوفت النتيجة وخلاص، مش ببقى مبسوط، بس في الأخر هعمل إية، بحس لو الناس شايفة المفروض أبقى موجود والعالم كله بيقول إية دة إزاي مش موجود دة بالنسبالي أهم حاجة.
مش عارف دعوات ماما لحد دلوقتى
" الناس كلها نفسها تعرف ماما بتدعيلي تقولي إية، لحد دلوقتي لسة مش عارف.
" اللي تخطى مرحلة الإدمان دة وتغلب على نفسه وتحدى نفسه دة فخر لينا كلنا، بتابع مع حملة لا للإدمان وكل سنة بعمل إعلان وأتمنى دايما أكون مساهم في إن ناس كتير تبطل وترجع أحسن.
رجل أعمال بعد الاعتزال
" بعد الكرة احساسي إن بعد ما اعترل هيكون مجالي تخصص في الكرة أو أكون رجل أعمال، بس مش عارف أعمال إية.
" لا أعتقد إن كيان ومكة هيكون عندهم صدمة ثقافية لما نرجع القاهرة لأنهم بينزلوا البلد بشكل مستمر وبتتعامل مع العائلة على طول وبتتأقلم في البلد وهنا في إنجلترا.
" مكة بتحب تنزل مصر عشان جدها وستها بينفذلوها كل طلباتها، بتقولي انت هنا بتديني شيكولاتة مرة في الأسبوع وفي مصر بيجبولي كل اللي عايزاه، كانت بتاكل وهي بتتفرج على الأيباد لكن قولتلها خلاص وقت الأكل بناكل كلنا مع بعض.
شعور بالذنب بسبب الفطيرالمشلتت
" بنجيب كل حاجة في الأعياد وبنحتفل بكل حاجة، احنا عائلة بتحتفل بكل حاجة
" لو كلت فطير مشلتت بحس بالذنب ولو كلت فطير وكشري في يوم واحد بيبقى كدة خلاص اليوم قفل والشهر كمان، مرة في مصر اتعشيت كشري وحسيت ان في حاجة هتحصل وقعدت بقيت الشهر مش باكل حاجة خالص، أنا مش بضعف قدام الأكل، لو حد قدامي بياكل شوكلاتة مش بضعف أو أقول عايز"
