الورقي
دينا الشربيني: «والله ما هتشوفوني فريق عمل تاني.. في عمل بس»
تحدثت الفنانة دينا الشربيني عن علاقتها بـ«السوشيال ميديا»، ووصفتها بأنها غير جيدة، وأنها ليست «شاطرة» بها.
وتابعت، خلال لقائها ببرنامج «معكم» للإعلامية منى الشاذلي، على قناة Cbc، أنها تعلمت من تجاربها السابقة، ألا تحكم على حياة الأشخاص من الخارج، قائلة: «اتعلمت إن ممكن أبقى شايفة حد من برا إن حياته بشكل ما لكنها في الحقيقة بشكل تاني، يعني ممكن تبقي شايفة حاجة من برا بس عمرك ما هتبقي عارفة ايه اللي جوا، لذلك لا تحكم ولا تتكلم في الموضوع أصلًا لأن عمرك ما هتعرف ايه اللي بيحصل».
وأضافت: «اتعلمت كمان إن دايما ربنا بيبقى شايلك الأحسن وبيجبلك الحاجات في الوقت المناسب، ومفيش حاجة ربنا عملهالك من غير سبب، هو عملها عشان تتعلمي منها حاجة».
وقاطعتها منى الشاذلي بسؤال: «يعني اتعلمتي إن مينزلكيش صورة مكتوب عليها فريق العمل»، فردت ضاحكة: «دة أكيد.. والله ما هتشوفوني فريق عمل في حياتي.. هيبقى في عمل بس».
وأكملت: «فضلت فترة بيتقال (فريق العمل راح وجه)، بس أنا مش من النوع اللي بيدور كتير على السوشيال ميديا فمكنتش بقرأ كل الكلام ده، وكمان عمري ما هعرف أحكم الناس يقولوا إيه وميقولوش إيه».
يذكر أن كلمة «فريق العمل» ظلت تُطلق لفترة، على الفنانة دينا الشربيني، بعدما نشر الفنان عمرو دياب، صورة تجمعه بها، ومع المخرج طارق العريان والسيناريست تامر حبيب، وكتب عليها: «مع فريق عمل فيلمي الجديد في صيف 2018».
