الورقي
ياسمين عز للستات: «مينفعش تقولي لجوزك خد كيس الزبالة وأنت نازل»
أعربت الإعلامية ياسمين عز عن غضبها ممن يركزون على أجزاء من كلامها ويهملون باقيته، أو ينتقدونها دون مشاهدة الحلقة كاملة، وفهم قصدها من الحديث.
وتابعت، خلال برنامجها «كلام الناس» على قناة MBC مصر، قائلة: «البعض ساب جوهر ومحور الموضوع، والكلام الكبير اللي قولناه مع ضيوفنا المحترمين الأسبوع اللي فات، ومسكوا في جملة الفرخة والجزمة والسجادة، وفين أيام ما كانت الست بتدي جوزها الحتة الكبيرة من الفرخة».
وأضافت: «على سيرة الفرخة، النهاردة قريت حكمة صينية بتقول البيت الذي تمارس فيه الدجاجة عمل الديك مصيره الخراب، يعني الست تكتفي بكونها جميلة وأنثى وتدير منطقتها.. هو ما ينفعش تكوني ناعمة وأنثى وفي نفس الوقت قوية؟ لأ أنا أكون ناعمة وأنثى بكل المقاييس ومستسلمة تمامًا، لكن شخصيتي قوية وأعرف أقول لأ إذا عندي حق أقولها، مش أناطح».
وأكملت: «"قلت بدل المرة عشرة إني ضد مبدأ التعميم، وكلامي موجه للستات القادرة المفترية، وواضح إن اللي ركز في الفرخة كان جعان، والناس ركزت مع الجزمة والسجادة وسابوا باقي الكلام، أومال لو قلتلك مينفعش تقولي لجوزك خد كيس الزبالة معاك وإنت نازل هتعملي إيه».
وأنهت حديثها: «أبوكي وهو نازل عمرك ما هتقوليله خد كيس الزبالة وهو نازل، الفرخة مش موضوعنا وبلاش تدخلوني في تفاصيل عشان هروح معاكم».
كانت الإعلامية ياسمين عز تعرضت لموجة انتقادات شديدة، خلال الفترة الأخيرة، بسبب تصريحاتها عن علاقة المرأة وزوجها، ومنها؛ ألا تطلب الزوجة من زوجها خلع حذائه قبل الدخول على السجادة في المنزل، مبررة ذلك بأنه اشتراها بأمواله.
