حسام حبيب: شيرين عبد الوهاب كتبت كل أموالها لبناتها

فجر الفنان حسام حبيب بشأن أموال الفنانة شيرين عبد الوهاب، قائلًا إنه من نصحها بكتابة 
 جميع أموالها لبناتها داخل وخارج مصر. 

وقال حسام حبيب خلال مداخلة هاتفية مع الإعلامي عمرو أديب في برنامج "الحكاية" الذي يعرض على قناة mbc مصر: "اتقالي من أحد الأشخاص واتحفظ على ذكر اسمه وأكيد الناس فاهمة أنا اقصد مين أنه معاه توكيل عام منها وهيحجر عليها وهيسحب فلوسها كلها.. وأنا عشان مقهرش شيرين قولت لها لازم تفتحي حساب برة مصر".

وأضاف الفنان حسام حبيب: "قولت لشيرين لازم تأمني بناتك وعملنا بالفعل حاجة اسمها ويل ودي المفاجأة اللي محدش يعرفها وأنا بقولها انهاردة على الهواء لأول مرة أن نأبكم هيطلع إن شاء الله على شونة لأني حذرت شيرين من الكلام ده ويسأل في صحة كلامي الدكتور حسام لطفي المحامي، وروحت ليه وقولته أمن بناتها".

وتابع: "شيرين عبد الوهاب عندها فلوس لبناتها برة مصر ماشاء الله ومعمول كل شيء لصالح بناتها.. واللي بيخط ياخد فلوسها خطته مش هتكمل وهتفشل.. وأنا فهمت شيرين وقولت لها أنتي معندكيش ولد فلازم تأمني البنات".

وكان حسام حبيب قد تصدر الترند خلال الفترة الماضية بسبب اتهامات عائلة شيرين عبد الوهاب له بأن تسبب فيما حدث لها.