الورقي
السيسي عن 2013: البلد كانت رايحة في حرب أهلية.. وتحركنا بما يرضي ربنا
تطرق الرئيس عبد الفتاح السيسي، خلال حديثه بالمؤتمر الاقتصادي إلى فترة عام 2013، وما شهدته من أحداث.
وقال الرئيس: "كان مين علم الرجل ده ونبهه إلى أن البلد رايحة في حرب أهلية.. وأن الحد الأدنى لمنع ده هو استمراره فى الوظيفة.. وحد أقصي حياته.. هل كان عارف ده كويس وفهمه؟!.. ولا حد عمله؟".
وتابع الرئيس: “الواقع اللى ماشيين فيه ماتغيرش كتير عن الواقع دلوقتي.. 7 سنين في مسيرة دولة مش كتير أوى.. وتم التحرك بالشكل اللي يرضي ربنا خلال المرحلة دي وإعطاء فرصة للناس اللي كانت موجودة بالنصيحة الأمينة والمخلصة والشريفة والمهم اللي بتفهم أن فيه قضية كذا وكذا.. فيه ناس من مجلس الوزراء كانت موجودة في الوقت ده لما كنت وزير وانا بقول القضايا اللى بنتعامل معها في الوقت ده".
وتابع الرئيس السيسي: "الموضوع كان شريف والشرف لا يتجزأ.. والشرف مش بيتعمل شوية وينتهى.. ده سمة متغلبة.. ده حاجة ثابتة والرزق على الله".
ولفت الرئيس السيسي، إلى أن للإعلام دورًا مهمًا في دعم الاقتصاد وتشجيع الاستثمار، مؤكدا هناك إجراءات أخرى تتكامل مع الشق الاقتصادي لإنجاحه.
وأشار الرئيس السيسي إلى أن بناء الأمم يبنى على عدة أمور أهمها الاقتصاد، مضيفًا: أن أولويات الرئيس حاجة والمواطن وباقي فئات الشعب حاجة تانية.
وأوضح أن أهمية إقامة العديد من المؤتمرات في القطاعات الأخرى وليس الاقتصادي فقط.
