الورقي
تلطيش وخبط وكلام عن الفلوس
أقوال جارة صيدلي حلوان أمام الجهات الرسمية تكشف مزيدا من أسرار القضية
كشفت جارة صيدلى حلوان تفاصيل ما سمعته أثناء التعدى عليه قبل سقوطه، وحقيقة سماعها اصوات تلطيش وخبط وواحدة بتقول فين الفلوس، وسبب تأخرها فى عدم إبلاغ الشرطة، والتغيرات التى لاحظتها على زوجة صيدلى حلوان فى الآونة الأخيرة، واليكم التفاصيل.
أقوال جارة صيدلى حلوان
أقوال / شيماء محمد الغريب السيد 32 سنة مقيمة فى العقار محل الواقعة
س/ ما تفصيلات شهادتك تحديدًا؟
جارة صيدلى حلوان/ اللي حصل أنى كنت فى بيتي وسمعت من المنور صوت تلطيش وخبط وواحدة بتقول فين الفلوس لأما هموتك وقالتله مش أنت بتقول عليا أنى أنا وسخة أنا بقي هوريك الوساخة اللي علي أصولها، وبعد كده راجل بيقوله أنا مش عاوز اعمل معاك حاجة عشان خاطر ابنك ده، وبعدها بشوية لقيت مرات البواب بتقولي أن الدكتور ولاء وقع من البلكونة فى الشارع وده كل اللي حصل.
نجمة رايل
س / متى واين حدث ذلك ؟
جارة صيدلى حلوان / الكلام ده امبارح 26/9/2022 الساعة 3 عصرًا تقريبًا فى برج نجمة رايل الدور الرابع بحلوان.
س / ما سبب ومناسبة تواجدك بالمكان والزمان سالف الذكر ؟
جارة صيدلى حلوان / أنى كنت فى شقتى مع أولادى الصغار.
س / وما الذي ابصرتيه تحديدًا ؟
جارة صيدلى حلوان / أنا مشوفتش حاجة أنا سمعت من المنور من شقة دكتور ولاء صوت تلطيش وخبط وواحدة بتقول فين الفلوس لأما هموتك وقالتله مش أنت بتقول عليا وسخة أنا بقي هوريك الوساخة اللي علي أصولها وبعد كده راجل بيقوله انا مش عاوز أعمل معاك حاجة عشان خاطر أبنك ده.
س / وهل يمكن الوقوف علي شخص المتحدث آنذاك ؟
جارة صيدلى حلوان / انا معرفش مين اللي بيكلم مين اللي سمعته قولت عليه.
س / هل من ثمة رد فعل منك آنذاك ؟
جارة صيدلى حلوان / أنا كلمت جوزى وقلتله وهو قالي بلغي الشرطة.
شرطة النجدة
س / وهل أبلغت آنذاك شرطة النجدة؟
جارة صيدلى حلوان / لأ ملحقتش لأن بعد ما سمعت الصوت وكلمت جوزى لقيت بعدها علطول مرات البواب كلمتنى وبتقولي أن الدكتور ولاء وقع من البلكونة فى الشارع.
س / وهل أبصرت المتواجد داخل العقار محل الواقعة حال علمك بسقوط المجنى عليه؟
جارة صيدلى حلوان / لأ انا معرفش مين كان جوه.
س / هل يوجد ثمة علاقة أو خلافات فيما بينك وبين أى من المتهمين ؟
جارة صيدلى حلوان / لأ
لبس محتشم
س / وما هو انطباعك تجاه أطراف الواقعة تحديدًا ؟
جارة صيدلى حلوان / كل أجازة لدكتور ولاء بنسمع صوت مشاكلهم وخناقتهم علي طول ومن شهرين مرات دكتور ولاء بدأت تلبس لبس غريب بدل لبسها المحتشم بقي لبسها بناطيل وميك أب وبقت شخص تانى معرفش أزاى وليه رغم ان جوزها مش موجود.
س / وهل يتردد أحد علي محل سكنهم فى غياب المجنى عليه آنذاك ؟
جارة صيدلى حلوان / لأ مشوفناش حد غير حماتها وقرايبها.
الشبهة الجنائية
س / هل تشتبهى جنائيًا فى حدوث الواقعة؟
جارة صيدلى حلوان / لأ
س / هل لديكى أقوال آخرى ؟
جارة صيدلى حلوان / لأ....... تمت أقوالها.
