أولياء الأمور: امتحان رابعة ابتدائى ده لرابعة جامعة

انهيار وبكاء طلاب الصف الرابع الإبتدائى من صعوبة امتحان التربية الدينية،وهو انعكس على اولياء الامور حيث سيطرت عليهم حالة من الغضب والإستياء الشديد واتهامهم للوزارة بأنها عاوزة تعقد الجيل وتكره فى التعليم.

فى البداية وصفت سماح الحبشى مؤسسة أولياء أمور مدارس مصر بأن أمتحان الدين الإسلامى  لطلاب  الصف الرابع الإبتدائى بإنه فى مستوى طالب رابعة  جامعة إبتدائى،مشيرة إلى صعوبة  امتحان محافظة الإسكندرية إدارة العجمى، وقالت بأن أسئلة  الامتحان لا تناسب طفل عنده ٩ سنين،بل امتحان يدعو  للاحباط.
و تسألت حبشى واضعى الامتحان عن مدى استفادته من وضع أسئلة بالشكل ده.
ومن جانبها قالت رحاب عبد السلام وليه أمر ان الامتحان طويل جدا وغير مواصفات شهر أكتوبر ونوفمبر الولاد مش متعودين على كم الأسئلة الكتير دى منه لله.
وتضيف ياسمين مصطفى وليه أمر 
المشكله أنه مختلف تماما عن امتحانات الشهور وكمان مختلف عن النماذج الاسترشادية اللى  الوزاره حطاها،و تسألت ليه تبقى بداية الإمتحانات عياط وخوف للولاد ليه تقلل ثقته فى  نفسه
وصفت مروة احمد وليه أمر الامتحان  ان بنتها خارجة من الامتحان منهارة من العياط وبتقول إنه ا هتسقط،وتضيف إنه غير  مناسب للمواصفات ويدعو  للإحباط ابنها اللى فى الصف الثانى الإعدادى   بياخد الحديث اللى عليهم فى المنهج،واضافت احنا طول السنه ضغط ضغط مش ناقصه بقى هنلقيها من التعليم ولا من التموين،ارحمونا يرحمكم ربنا.
ولاء حسين وليه أمر  منه لله ال حاطط امتحان بالمنظر ده ايه الفايدة انك تعقد طفل ٩ سنوات وتخليه مروح منهار ومعيط وتضيع تعبه ومجهود اسئلة مقالية وكثير جدا مختلف عن باقى  الإدارات امتحانهم ازاى وشوفوا  احنا امتحان عامل ازاى حسبى الله ونعم الوكيل
هبه فادى الامتحان بالشكل دا كنا بنمتحنه واحنا فى اعدادى اقل واجب مش رابعه ابتدائى بجد ظلم وافترى على اطفال زى دول،امتحان طويل واسئله مقالية  كبيرة  على سنهم.