نصائح ياسمين عز للزوجات: حبي حماتك وجوزك فرعون حياتك

وجهت الإعلامية ياسمين عز مجموعة نصائح للسيدات قائلة: "حطي لحماتك البيت كله.. واعزميها تبات عندك يومين أو تلاتة في التلج اللي إحنا فيه ده.. وطلعيلها النيش كله.

وخلال تقديم برنامجها كلام الناس، عبر فضائية إم بي سي مصر تابعت ياسمين عز: "حبي حماتك وحبيبك فرعون حياتك وتاج راسك، واديله فلوس من مرتبك عادي".

غيري على جوزك

وقالت الإعلامية ياسمين عز: "اللي متجوزة موظف بنك بيتحسدوا.. الراجل ده بيكون شيك أوي.. وريحة البرفيوم بتاعه بتكون واصله لآخر الشارع.. ومن حقك تغيري عليه".

وخلال تقديم برنامجها كلام الناس تابعت ياسمين عز: "موظف البنك عدى مستوى الأناقة.. وصوته صيفي لأنه راجل.. وتلاقيه واقف مع العملاء بيتكلم بخشونة صيفية".

وواصلت ياسمين عز: "الراجل ده بيكون مر بكل الضغوط.. وخبير في فنون التعامل مع البشر.. وثباته الانفعالي عنده بيكون أكتر من ياسمين عز، ومن قبل ما تطلبي منه الحاجة بيكون عارفها ويجيبهالك".

وأكملت ياسمين عز: "موظف البنك بيكون أمين عليكي.. وعمره ما يطمع في فلوسك.. وعنده ميزة أنه بيوصل البيت يقفل موبايله من صداع العملاء طول اليوم يا حبة عيني".