عميد معهد القلب السابق يوضح أسباب دقات القلب السريعة

شرح الدكتور جمال شعبان عميد معهد القلب الأسبق، أسباب دقات القلب السريعة، والضربة الساقطة، وضربات القلب السريعة، وعدم انتظامها.

وتساءل عميد المعهد الأسبق، عبر صفحته الرسمية ب«الفيس بوك»: «الضربة الساقطة، ودقات القلب السريعة، قلبي بيرفرف، قلبي هيفط من صدري، عندي ضربة ساقطة، بحس بسحبة روح، قلبي بيقف وبيرجع تاني، لما احس بانتفاخ في القولون قلبي بيدق بسرعة، ده من ايه طيب؟، امتي ابدأ أقلق على نفسي، هو انا محتاج أروح لدكتور كهرباء القلب؟!

وقال «الدكتور جمال شعبان عميد معهد القلب الأسبق»: “احنا هنتكلم عن أسباب لخبطة دقات القلب، ولما يحصل كده نعمل إيه”، مشيرا إلى أن دقات القلب السريعة أو الضربات الساقطة بتحصل نتيجة عوامل كتير زي مثلا نقص الهيموجلوبين (الأنيميا)، نتيجة التوتر، نشاط الغدة الدرقية أكتر من الطبيعي، عدم انتظام أملاح الدم البوتاسيوم الكالسيوم في الدم، مرض السكر بيعمل دقات قلب سريعة، انخفاض السوائل في الدم، وممكن تكون نتيجة اختلال وراثي في كهرباء القلب مولود به، أو مكتسب نتيجة مرض في القلب في الصمامات أو في العضلة أو في الشرايين التاجية، أو مرض في النظام الكهربي للقلب.

وتساءل مدير معهد القلب السابق، قائلا: طيب لما أحس أن دقات قلبي سريعة أو ملخبطة ممكن أعمل ايه؟، مطالبا بكبح جماح التوتر والقلق والتماس الهدوء والاسترخاء، والامتناع عن التدخين أو مجالسة المدخنين شرب السوائل المفيدة، واستخدام الأملاح بطريقة معتدلة، وأحيانًا التنفس بعمق أو التعنية أو الكحة ممكن توقف ضربات القلب السريعة.

وحذر عميد المعهد الأسبق، من تناول الأدوية إلا بعد استشارة طبيب كهرباء القلب، منوها أن الطبيب ممكن يعمل رسم قلب وهولتر ٢٤ ساعة وبعدين ممكن يوصف أدوية أو يعمل قسطرة دراسة كهروفسيولوجية أو يعمل كي بموجات الراديو أو يزرع جهاز صدمات كهربية.