الورقي
شادي شامل لمنتقدي إطلالته: أنا راجل متحضر وعشت في كل الدول برا ويستشهد بالشيخ الشعراوي
تعرض الفنان شادي شامل، لحملة انتقادات واسعة بعد كتابته منشور عبر حسابة الشخصي على "فيسبوك"، منتقد فيه الفاطرين من الشباب والبنات في نهار رمضان.
ووجهت حملة الإنتقادات لشادي شامل، نظرًا لأن النصيحة خرجت من شخص متشبهة بالنساء يرتدي حلق وخاضع لعمليات تجميل مرتديًا بزي نسائي، على حد وصفهم.
شادي شامل: أنا بشر وبغلط وبتوب وبغلط وارجع اتوب ومتصالح مع نفسي
على ضوءه لم يكتفي شادي شامل بهذا القدر من النصيحة وقبولة الإنتقادات، بل رد على الإنتقادات في منشور جديد له عبر حسابة على "فيسبوك" قائلًا:" عايز أقول حاجة
أنا بشر وبغلط وبتوب وبغلط وارجع اتوب
ومتصالح مع نفسي وعارف اللي عندي
بس برضو بغير على ديني.
وتابع قائلًا:حريتك إنك تعمل الحرام دي بتاعتك بس لما تعمله لازم تبقى عارف إنه برضو حرام وغلط، أما كونك عايز تفرض على الناس وضعك وفكرك ومش قابل إن غيرك يبدي رأيه في شيء غلط بيتعمل فإنت كدا ديكتاتور، الغلط الفردي شيء وإننا ندافع عن تعميمه في المجتمع وإننا منحترمش الوضع العام في المجتمع دا شيء غير حضاري قبل ما يكون غير ديني.
وقال: أنا راجل متحضر وعشت في كل الدول برا وشفت الناس برا قد إيه عندهم فكرة احترام تقاليد المجتمع حتى لو هما في أشخاصهم مش ملتزمين بيها.
فياريت نهدى على بعض ومش من الاحترام إننا نكون بتتكلم في قضية فتلجأ للتشويه بقضية تانية لأن دا معناه إنك مفلس فكريًا ومش لاقي رد مقنع فتتجه لتشويه اللي بتتناقش معاه
ودي طريقة بقت سخيفة وتدل على عدم رقي وعدم فهم وقلة وعي".
ثم نشر فيديو للشيخ الشعراوي يحل فيه دعوة العاصين للهداية إلي الله.
