حسن شحاتة يكشف موقفه من الترشح لرئاسة الزمالك

أعرب حسن شحاتة، المدير الفني الأسبق لمنتخب مصر، عن حزنه الشديد بسبب عدم تكريم النجوم رغم الإنجازات التي يحققونها، مشيرا إلى أنه في مصر يكرمون نجوم كرة القدم بعد وفاتهم فقط.

وقال حسن شحاتة في تصريحات تلفزيونية: عشت حياتي مع منتخب مصر 7 سنوات وكان فخرا لي، بس للأسف مش بيحسوا بحد غير بعد لما يموت ويكرموه وقتها، ودي مشكلتنا في مصر، ودي مش أزمتي لوحدي دي أزمة كل نجوم الرياضة.

وتابع: صاحب بالين كداب، ربنا كرمني وأنا لاعب وكمان وأنا مدرب ومعنديش استعداد آخد مكان حد يستاهل، أنا عمري ما رشحت نفسي في مكان أو منصب دي بتيجي من الناس اللي بتدير الكورة.

وأضاف حسن شحاتة: اتعرض عليا تدريب المنتتخب مرتين وأنا قاعد في البيت وكنت مستني العقد عشان أمضيه، مرة كانت بسبب الناحية المادية والتانية من باب الضحك، فمش هستنى حد يبعتلي تاني.

ونفى حسن شحاتة، إمكانية ترشحه في انتخابات رئاسة الزمالك، مؤكدا أن هذا المنصب يحتاج لمن لديه خبرات في الإدارة.

واحتفل المدرب الأسطوري السابق لمنتخب مصر حسن شحاتة يوم أمس الاثنين 19 يونيو 2023،  بعيد ميلاده الـ 76.

فيتوريا يعلن تشكيل المنتخب لمواجهة جنوب السودان

سيد معوض: المنتخب سيتأثر بغياب حجازي والونش وهذا بديل حمدي فتحي