"أمهات مصر" يكشف ملاحظاته على امتحانات الثانوية العامة قبل الكيمياء والجغرافيا

بعد أداء طلاب الشهادة الثانوية العامة لامتحانات المواد غير المضافة للمجموع وهي: التربية الدينية والوطنية، والاقتصاد، والإحصاء، وبعد بدء امتحانات المواد المضافة للمجموع، وأداء اللغة العربية واللغة الأجنبية الثانية، حتى الآن، وجهت عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، مجموعة ملاحظات تخص العملية الامتحانية، تضمنت سؤالا لأولياء الأمور والطلاب حول تقييمهم وملاحظاتهم حول الامتحانات.

السؤال لقي تفاعلا وتعليقات كثيرة من جانب أولياء الأمور والطلاب، على صفحة الاتحاد والتئتلاف، في الفيسبوك، حيث قالت ولية أمر: "الوقت المهدور في كتابات البيانات على الشيت وورقة المقالي والتسجيل والبوكليت حوالي ربع أو تلت ساعة لكل طالب وخصوصا إن لازم يراجع الملاحظ ودا طبعا مهم لأن فعلا الطلبة بيكونوا متوترين وممكن ينسوا رقم أو حرف والملاحظ بيوجههم،
والحل زيادة وقت الامتحان ربع أو تلت ساعة بعد الوقت المحدد، والتشديد على المراقبين عدم سحب الورق قبل الوقت ولو حتى بدقيقة لأن دا بردوا حصل من بعض المراقبين، نتمنى سرعة الاستجابة وخصوصا اللي جاي صعب َربنا يسترها يارب ويوفق ولادنا ويفتح عليهم ويكرمهم".

ولي أمر أخري اقترحت "ممكن الولاد يستلموا البابل شيت الساعة 9 الا ربع يكتبوا بيانتهم فى المقالى والاختيار المتعدد وبعدين يستلموا البوكلت الساعة 9 ده اقتراح"، وأضافت ولي أمر أخري: "ياريت يبقا في وقت بدل اللي بيضيع في كتابة البيانات علي الأقل ربع ساعة، وياريت صوتنا يوصل خصوصا المواد اللي جاية محتاجة كل دقيقة فيها".

وذكرت ولي أمر: "مشكلة الوقت مفيش وقت يراجعوا وكمان بيضيع وقت كتير في الامضاءات والتظليل، نمكن يديهم وقت إضافي بدل الوقت المهدور ده كله".

وفي سياق متصل، وجهت عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، منشور آخر لأولياء الأمور، تضمن: "طمنونا عاملين ايه في مراجعة الكيمياء والجغرافيا وايه المصادر اللي بتستعينوا بيها في المراجعة".

وقال أولياء أمور الطلاب أن الكيمياء تحتاج لوقت كبير للمراجعة ويستعينوا بمراجعات وصفات الأساتذة المعروفين في الفيس بوك وقنوات اليوتيوب إضافة إلي ملازم الدروس المخلصة للمنهج.