عمرو أديب لـ "السيسي": نريد أن نأخذ خطوة في ملف حرية الإعلام ويبقى فيه آراء مختلفة

علق الإعلامي عمرو أديب، على إعلان الرئيس عبدالفتاح السيسي، ترشحه لفترة رئاسية جديدة، وتوجيه الرئيس بتوفير مساحة إعلامية أكبر للمسئولين والوزراء لإطلاع الناس بحقيقة الأمور والإنجازات والمشروعات.

وقال عمرو أديب، خلال برنامج “الحكاية” المذاع علي قناة “mbc مصر”: "سيادة الرئيس احنا محتاجين نعرف نتكلم هستغل تحريضك للمسئولين انهم يتكلموا أن يتفتح الكلام بقى، احترمنا على مدى سنوات ظروف البلد والمسألة مش ناقصة نكد وشعللة انما ايضا انا محتاج اعرف اعبر واتكلم اكتر".

وأضاف عمرو اديب: “سيادة الرئيس، إعلام معندوش الفرصة لأسباب مختلفة أتفهمها لن يكون مفيدا للدولة، الإعلام لازم يبقى فيه آراء مختلفة ونحن حتى الآن نريد أن نأخذ خطوة للأمام في ملف حرية الإعلام، أناشدك في الـ6 سنين اللي جاية دع 100 زهرة تتفتح”.

وتساءل أديب: "هل تعلم يا سيادة الرئيس أن هناك كتاب في بعض الأحيان الكثيرة يبقى كاتب مقال في جريدة ويتم منعها".

طلب هام من عمرو أديب لـ الرئيس

وتابع: "لو عايز اعلام كويس يا سيادة الرئيس سيبنا نشتغل وحاسبنا والناس تسمع وتقول، وكل الشخصيات ميبقاش عليها أي حاجة، ومببقاش قلقان لو قلت أي شئ، ده لو عايز إعلام ينور ويوعي".