الورقي
أحمد حلمي عن أول قصة حب في حياته: حبيت خالة واحد صاحبي (فيديو)
كشف الفنان أحمد حلمي عن أول قصة حب في حياته وهو في عمر الطفولة.
وقال أحمد حلمي، خلال حواره مع الإعلامي أنس بوخش في برنامج AB talks: "حبيت مرة خالة واحد صحبي وأنا ست سنين، وعشت في دور إزاي أقوله، وجو خيانة الأصدقاء".
أحمد حلمي عن والده: صانع أمل
وخلال اللقاء، تحدث الفنان أحمد حلمي عن والده ووصفه بأنه أكثر شخص صانع أمل في حياته وذلك بسبب معاناة والده.
وقال “حلمي”: "أنا كتبت إهداء لوالدي في الكتاب الوحيد اللي عملته وقلتله فيه أبي هل تراني كما أراك دوما في منامي".
وتابع: "وهو زي الشجرة اللي ماتت بس جذوره جوايا وهو بيصعب عليا لأنه تعب وهو كان أكتر شخص صانع أمل في حياتي بسبب معاناته وأن مفيش حاجة اسمها مستحيل وأن وجود ربنا جوة الإنسان مهم لأن كان معتدل ووسطي وبيحب ربنا جدا وربنا كان بيحبه وعمري ما شفته غير راضي ولما فلوسه راحت حد جابله هدية ومش عايز أقول رشوة لكن هو طرده بالأدب ولما سألته قالي إن الشخص دة ليه مصلحة في الشغل وعايزه يمشيهاله".
وأضاف أحمد حلمي: "وهو متأثرش لما فلوسه راحت وعمل عملية قلب مفتوح وخرج منها بأثر جانبي زي "الزغوطة" وفضل بيها 12 سنة ومكنش بيقدر يكمل جملة بدونها ودة شيء مؤلم ومكنش بيتعصب وكان بيقوم بطلبات بيته واحنا لو مش نايمين كويس بنبقى متعصبين وبعد كده جاله سرطان".
واختتم حديثه عن والده قائلا: "وبعد ما مات أنا اكتشفت أنه كان بيعمل خير كتير ومكنش قايل لحد عليها غير أخوه وأنا ملحقتش أشبع منه علشان كده نفسي أرجع صغير علشان أعيش معاه".
آخر أعمال أحمد حلمي
يذكر أن أحمد حلمي شارك في بطولة مسرحية "ميمو" مع هنا الزاهد وأحمد رزق وهنا شيحة وغيرهم نخبة من النجوم ومن تأليف ضياء محمد وإخراج هشام عطوة.
