علاء مرسي: محمد هنيدي قطع التصوير علشان يجيلي المستشفى

حرص الفنان علاء مرسي، على طمأنة جمهوره ومحبيه على حالته الصحية عقب إجرائه لعملية جراحية في القولون، قائلًا: "اللي حصلي محنة علشان ربنا يعرفني محبة الناس غالية ولازم الشخص يكون قد مسؤليتها وعلى قدر من الوعي".

علاء مرسي

وأضاف علاء مرسي خلال مداخلة تلفزيونية له في برنامج تفاصيل للإعلامية نهال طايل، عبر فضائية صدى البلد 2،:"الحمد لله المرض ممكن يكون محنة لكنه بيتحول لمنحة من الله عز وجل"، مازحًا جمهوره: "أنا حلو جدا وماما حلوة وكل حاجه حلوة".

وأكد علاء مرسي، أنه تماثل الشفاء في وقتنا الحالي ويأخذ الأدوية والحقن، متابعًا: "أصعب حاجه الحقن لأني بخاف منها وفضلوا يسيطروا عليا والأمور حلوة والحمد لله.. وأنا في حالة سعادة بالغة بعد زيارت الفنان أشرف زكي ومحمد إمام".

وتابع: "أنا أكتشفت إني في نعمة كبيرة ومش حاسس بيها ومحبة الناس كنز غير عادي والصحاب دول في كفة، محمد هنيدي قطع التصوير علشان يجيلي في المستشفى وجالي مرة تانية باليل، الموضوع ده علمني درس أننا لازم نتمسك ببعض".