الورقي
اليوم نظر ثالث جلسات محاكمة المتهم بقتل 3 مصريين في دولة قطر
تواصل محكمة جنايات شمال القاهرة اليوم السبت ثالث جلسات محاكمة المتهم بقتل 3 مصريين في دولة قطر.
القصة بدأت عندما تم القبض على المتهم في مطار القاهرة، بعد عودته من قطر هاربًا من جريمته حيث بينت التحريات أن الشاب يدعى ت م - يعمل مبلط سيراميك، وارتكب جريمة قتل 3 أشخاص مصريين داخل شقة في قطر.
اليوم نظر ثالث جلسات محاكمة المتهم بقتل 3 مصريين في دولة قطر
اعترافات المتهم بتفاصيل جريمته كاملة
وفور القبض عليه، باشرت نيابة حوادث شرق القاهرة التحقيقات في الواقعة، حيث أدلى المتهم بقتل 3 مصريين في قطر، واستمعت النيابة لأقوال شقيق أحد المجني عليهم في الحادث الذي وقعت أحداثه في شقة سكنية بدولة قطر.
واعترف المتهم بجريمته وبدأ حديثه قائلًا: أنا سافرت قطر عشان أحضر كأس العالم، وبعدين قررت إني أهرب هناك، وفضلت موجود في قطر، وحاولت أدور على أي شغل لكن فشلت، وفضلت قاعد في الشوارع لحد ما قابلني 3 شباب إسمهم عبدالسلام وجمعة وعلي، وعرفوا حكايتي وقالولي إحنا ولاد بلد واحدة وهناخدك معانا الشقة.
وأضاف المتهم ت م في التحقيقات أمام النيابة: أنا قولتلهم مش معايا أي فلوس خالص، ومش لاقي مكان أنام فيه ورحنا الشقة كلنا، وجابولي أكل وبعدين قالولي هنحاول نشوف لك شغل، وساعتها عبد السلام وعلي كانوا بيدورا على شغل عشاني، لكن جمعة كان ديما قلقان مني ومش مرتاح لوجودي وفضلت قاعد معاهم لحد نهاية شهر رمضان.
واضاف باعترافاته: في أخر رمضان بلغوني أنهم مش لاقيين شغل وأنا لازم أرجع، وأنهم هيساعدوني في الرجوع وفعلا جمعة راح حجز لي تذكرة سفر للقاهرة، ورجع قالي إن ميعاد السفر رابع أيام عيد الفطر الساعة 6 الصبح، وبعدها خططت لارتكاب الجريمة عشان أسرق فلوسهم وأهرب.
المتهم:مسكت آلة حادة وقتلتهم.. جمعت كل الفلوس والموبايلات بتاعتهم وهربت
وأردف: قبل السفر بكام ساعة روحت مسكت آلة حادة وقتلت بيها عبد السلام وأخوه جمعة وهما نايمين، وجمعت كل الفلوس والموبايلات بتاعتهم، وجيت أهرب لقيت علي صاحبهم داخل روحت قتلته هو كمان، وحطيت الجثث في أوضة وأخدت كل حاجة، وقعدت نضفت البيت كويس،وخرجت على المطار عدل وأول ما خرحت من مطار القاهرة اتقبض عليَّ.
أمر الإحالة للمتهم
وجاء بأمر الإحالة أن تلك الجريمة اقترنت بجناية أخرى تلتها، وهي أنه في ذات الزمان المكان قتل عمدًا المجني عليه عبد السلام محروس محمد مع سبق الإصرار والترصد؛ بأن بيت النية وعقد العزم المصمم على قتله خشية افتضاح أمر قتله الإثنين الأولين؛ وأعد لذلك الغرض ذات السلاح الأبيض المستخدم في قتل المجني عليهما الأخيرين، حال حضوره للمسكن.
استولى على هواتفهم المحمولة وجهاز لاب توب
وتضمن أمر الإحالة أن المتهم ارتكب كلتا الجنايتين بقصد تسهيل ارتكابه لجنحة سرقة حيث سرق المنقولات المبينة وصفًا بالأوراق المملوكة للمجني عليهم - المبينة أسماؤهم بالجنايتين السابقتين؛ بأن استولى على هواتفهم المحمولة وجهاز الحاسب الآلي المحمول " لاب توب " المملوك للمجني عليه علي شعبان علي؛ على النحو المبين بالتحقيقات، كما حاز وأحرز سلاح أبيض " سكين " بغير مسوغ قانوني أو مبرر من الضرورة الحرفية أو المهنية.
