الورقي
زوجة عصام صاصا تدافع عنه بعد دهسه شخص بسيارته: الظلم حرام
حرصت جهاد أحمد، زوجة مطرب المهرجانات عصام صاصا، على الدفاع عن زوجها، بعد القبض عليه، بتهمة دهس أحد الأشخاص بسيارته على الطريق الدائري.
وكتبت، عبر خاصية «الإستوري» على موقع الصور الشهير «انستجرام»: «عصام أكتر واحد عمره ما بيرد على كلام الناس، بس الطرف التاني ربنا يصبرهم يا رب، الإعلام استغلهم وخلاهم يطلع يكلموا في وقت المفروض حد يقف جنبهم ويصبرهم، وخلاهم يكلموا وهما أصلًا مكنوش في الواقعة، بيقولوا إن أخوهم كان واقف على رصيف غلط.. الكلام ده غلط ومن أول يوم وعصام قال أقواله في النيابة إن الراجل ظهر في نص الطريق».
وتابعت: «بما إن القضية بقت رأي عام وعصام كل دا مطلعش رد عشان الحالة اللي هو فيها متسمحش، بس التجاريح والإشاعات كترت وإحنا لينا الحق الرد، ولازم تسمعوا الحادثة من الطرفين قبل ما تحكموا، النهاردة أنا هطلع أدافع عن جوزي، وفي شهود في الحادثة هيطلعوا ويتكلموا، لأن الظلم حرام، أنا جوزي مش بيدوس على ناس بفلوسه، أنا جوزي اللي كنت بتقولوا عليه سواق توك توك جابها من الصفر، برضه أحن قلب وأكثر واحد بيحس بالناس فأنا مش هسمح أن أي كلمة غلط تتقال عليه تاني».
