زوجة في دعوى طلاق بمحكمة الأسرة.. «حماتي بتغير»

«حماتي بتغير على جوزي مني، عايشة في جحيم بسببها، حياتي ادمرت بسببها هي وابنها»، هكذا وقفت الزوجة تبرر سبب دعواها لطلب طلاق الضرر من زوجها مؤكدة أنها بذلك تنقذ ما تبقى من حياتها التي انهارت بسبب أفعال زوجها وحماتها، والتي كانت السبب الرئيسي في خراب حياتهما.

قالت الزوجة في بداية حديثها أمام محكمة الأسرة بأنها لم تتخيل يوما أن تقصد هذا المكان بعد مدة قصيرة من زواجها، لتؤكد أن زوجها وعدها كثيرا بحياة وردية دون أي مشاكل، وقد صدقته وتزوجته دون خوف من التفكير في المستقبل معه،  « كان كويس معايا قبل الجواز معرفش إيه إلى حصل بعد الجواز، اتغير ولقيت حد تاني معايا خالص وبدأت المشاكل من هنا بسبب أسلوبه اللي معايا، دا غير أهله اللي مش عاجبهم أي حاجة أنا بعملها وطول الوقت بيقولوا له إني بتدلع».

وتابعت الزوجة في دعواها أمام محكمة الأسرة، بأنها لاحظت السبب وراء تغيره المفاجئ بهذه السرعة هو كره والدته لها،  حيث كانت تقوم بتحريضه عليها وافتعال المشكلات على أي شيء،« متجوزين عن حب وكنت فاكرة بعد الجواز هنعيش أحلى قصة حب زي الأفلام بس للأسف كنت غلطانة، عشان من أول يوم وهو بيضربني ومطلع عيني على أي حاجة، مكنتش مصدقة نفسها وإنه ليه بيعمل كدا ليه أصلا وإيه اللي غيره معايا، وأمه كمان اللي بقت غيرانة مني ومحرضاه عليا».

وأضافت الزوجة في دعواها أمام محكمة الأسرة، بأن والدة زوجها استمرت والدة زوجها على هذا الأسلوب الذي جعلها تريد الانفصال من الشهر الأول،  « مش عارفة أعيش معاه هو وأمه اللي غيرانة مني، عشان كدا سبت البيت، الكل مكنش موافق على الطلاق، بس أنا صممت عشان مش هعرف أكمل في الحياة دي»،  لذا قررت الزوجة اللجوء لمحكمة الأسرة لطلب طلاق الضرر.