زوجة في دعوتي خلع ونفقة بمحكمة الأسرة: "مش قادرة أتحمل"

«تعبت ومش قادرة استحمل، حاولت كتير عشان خاطر ابني، بس هو خاين وغدار، مبقاش قدامي غير محكمة الأسرة»، بتلك الكلمات قررت الزوجة "آية.  ي" اللجوء لمحكمة الأسرة، لإقامة دعوتي خلع ونفقة صد زوجها، مؤكدة أنها وقفت بجانبه منذ دخوله حياتها، ولم تتخلى عنه أبدًا كل ما فعلته الزوجة كان من أجل ابنها الذي لم يكن في نيتها أن تؤذي والده بأي شكل من الأشكال.

وأضافت الزوجة في دعواها أمام محكمة الأسرة، بأنها متجوزة من 25 سنة، أنجبت من زوجها طفل واحد، ولكن بعد فترة من الزواج عرفت أن زوجها كان متزوج قبلها، قائلة: «عرفت إنه متجوز قبلي ومراته رافعة عليه قضية خلع، ومكنش قايلي قبل الجواز معملتش مشكلة ساعتها؛ لأنه قالي إنه مظلوم وهي اللي كانت مفترية وبيحمد ربنا إنه مخلفش منها».

وتابعت الزوجة في دعواها أمام محكمة الأسرة، بأنها عاشت أيامها في جحيم، فقد صبرت كثيرًا على زوجها ومشتكله، لكنها اكتشفت أنه مازال على علاقة مع زوجته الأولى،« اتبهدلت معاه، وفي النهاية طلع بيضحك عليا وبيكلم مراته القديمة وعايز يرجعلها تاني، سيبته وبعدها طلقني، ابني كان عنده 4 سنين لما اتطلقت، والدتي وأخويا هما اللي ساعدوني أربيه مكنش فيه حد تاني يساعدني ربيت ابني لوحدي».

وأشارت الزوجة في دعواها أمام محكمة الأسرة، «رجعتله بعد 15 سنة وقفت معاه أنا وأمي لما قالي إنه عايز يرجع عشان خاطر ابنه، وافقت قال معنديش عفش ولا شقة ولا أي حاجة، ساعدته أنا وأمي إديناله فلوس ووضبنا الشقة، وقفت بما يرضي الله معاه وهو متقاش ربنا فيا، أنا اللي جيت البيت بفلوسي أنا وأمي وقلت معلش عشان خاطر ابني، وفي النهاية اتجوز عليا وكتبلها نص البيت اللي جهزته بفلوسي».
وقررت الزوجة اللحوء لمحكمة الأسرة لإقامة دعوتي نفقة وخلع ضد زوجها بعد تعنته في المعاملة معها.