آلاء تقيم دعوى ضد زوجها بمحكمة الأسرة.. والسبب "توم كروز"

"جوزي بخيل علينا بس، بيصرف على لبسه وشياكته كل فلوسه، عشان يلفت نظر البنات، وبيقولي أنا شبه توم كروز"، بتلك الكلمات وقفت الزوجة "آلاء. ج"، أمام محكمة الأسرة تقيم دعوى نفقة، بعد معاناتها مع زوج بخيل لا ينفق عليها هي والأولاد، بسبب اهتمامه الزيادة بمظهره دون الالتفات إلى متطلبات المنزل الأساسية، لذا قررت بعد 11 عامًا التوجه إلى محكمة الأسرة ورفع دعوى نفقة.

وقالت الزوجة في دعوى النفقة، التي أقامتها ضد زوجها أمام محكمة الأسرة، أنها لاحظت اهتمام زوجها بنفسه منذ أول يوم خطوبة، ولكنها كانت لا تعتبرها أزمة، لأنه ظنت أن أولوياته ستتغير بعد الزواج ويلتفت إلى مسئوليات المنزل والأولاد، ولكن ما حدث عكس ما ظنته أسماء، "من ساعة ما عرفته وهو بيحب اللبس والهدوم وبيهتم إنه يجيبها من أماكن غالية وبراندات وطول الوقت كان بيقولي إنه شبه توم كروز، كنت باخد الموضوع بهزار وأقوله أكيد وطبعا، وأقول لنفسي مش مهم أكيد هيتغير بعد الجواز وهيبقى همه طلبات البيت والعيال، بس برضو لسه زي ما هو متغيرش، ومش همه أي حاجة غير اللبس والبراندات".

وتابعت الزوجة في دعوى النفقة، التي أقامتها ضد زوجها أمام محكمة الأسرة، أن جميع الخلافات والمشاجرات بينهم بسبب الاهتمام المبالغ بالملابس وإنفاق كل مرتبه الشهري على مظهره الخارجي، وعندما تطلب منه مصروفات للمنزل يردبأنه لا يملك المال وجب عليها أن تقف بجانب زوجها، "كنت فاكراه هيتغير لما نخلف وهيبقى همه العيال ومصاريفهم، بس لسه زي ما هو ومفيش أي حاجة بتتغير، وأنا مش عارفة أصرف على العيال وكل شوية خناق على الموضوع دا، وأنا مببقاش لاقيه فلوس أجيب بيها أكل ليا أنا والعيال، بس كل دا مش فارق معاه المهم إنه يجيب أغلى لبس ويهتم بمظهره حتى لو على حساب بيته وعياله".

واستكملت الزوجة في دعوى النفقة، التي أقامتها ضد زوجها أمام محكمة الأسرة، أن مع تزايد الخلافات المستمر قرر اللجوء لمحكمة الأسرة، لعله يرتجع عندما تقيم ضده دعوى نفقة، بعد ما فقدت الأمل في تغير الزوج والالتفات لمصلحة بيته وأولاده، "11 سنة في نفس المشاكل وهو مش هامه عياله ولا مصاريفهم، زهقت من الخناق على نفس الموضوع، رفعت عليه قضية نفقة يمكن يعرف إن الله حق ويصرف على عياله".

وأمام تعنت الزوج قررت الزوجة اللجوء لمحكمة الأسرة وإقامة دعوى نفقة ضده.