عفاف تقيم دعوى طلاق للضرر.. والسبب "قلبه قاسي"

"تعبت من قسوة قلبه، مش بيتعامل غير بالإهانة والضرب والشتيمة، احنا بشر وربنا كرمنا، مش عارفة اتعود أنا وبنتي على عيشة الإهانة دي"، بتلك الكلمات بت الزوجة "عفاف. ك" إقامة دعوى طلاق للضرر الواقع عليها من زوجها، أمام محكمة الأسرة، مشيرة إلى قسوة قلبه عليها وعلى ابنتهما، واعتياده إهانتها وسبها والاعتداء عليها ما اضطرها في النهاية للتوجه إلى محكمة الأسرة.

وأضافت الزوجة في دعوى طلاق الضرر التي أقامتها ضد زوجها، أمام محكمة الأسرة، أنها تزوجت منذ 8 سنوات، وأنجبت على فراش الزوجية طفلة واحدة، "أنا متجوزة من 8 سنين وخلفت من جوزي بنت بس، اتجوزنا جواز عن حب، اتعرفت عليه عن طريق ناس معارف، بعد ما اتقدملي صممت عليه، ووقفت قصاد أهلي واتجوزنا بعد فترة خطوبة قليلة".

وتابعت الزوجة في دعوى طلاق الضرر التي أقامتها ضد زوجها، أمام محكمة الأسرة، "بعد الجواز طلب مني أسيب الشغل وأقعد في البيت وهو اللي يشتغل، أنا معترضتش ووافقت، مكنتش عارفة إنه طلب كدة بس عشان يحبسني في البيت، مكنش بيخليني أروح في أي مكان، حتى أهلي كان بيتلكك ومش عايزني أروح عند حد من أهلي، والموضوع وصل لأمي اللي ساكنة جنبي، مش بيخليني أشوفها غير كل 3 شهور مرة، وهي ساكنة في الشارع اللي جنبي".

وأضافت الزوجة في دعوى طلاق الضرر التي أقامتها ضد زوجها، أمام محكمة الأسرة، أنها اختلفت معه كثيرا بسبب تصرفاته، وخاصة بسبب منعها من زيارة والدتها، " لما عملت مشكلة معاه بسبب الموضوع ده، وافق يخليني أزور أمي وأشوفها مرة في الأسبوع، والمرة دي يبهدلني فيها ويفضل بعدها كام يوم رافض يكلمني".

واستكملت الزوجة في دعوى طلاق الضرر التي أقامتها ضد زوجها، أمام محكمة الأسرة،  "كان بيسبني في للبيت لوحدي لنص الليل ويقعد مع صحابه في الشارع، أخر مرة كان قاعد مع واحد صاحبه في الشارع لحد 6 الصبح، والنور قطع عليا وبنتي وكنت خايفة، كنا لوحدنا وفضلت اتصل عليه مش بيرد، لما طلع عاتبته وقولتله مش بترد عليا ليه، افرض حصلي حاجة أنا والبنت قالي مش عاجبك روحي اشتكيني، اتخانقت معاه وكانت مشكلة كبيرة غلط فيا أنا وأهلي وضربني وطردني من البيت".

واختتمت الزوجة حديثها في دعوى طلاق الضرر التي أقامتها ضد زوجها، أمام محكمة الأسرة، أنها ذهبت لمنزل والديها عندما طردها زوجها من المنزل في منتصف الليل، "حاول يرجعني مرة واحدة بس وأهلي رفضوا إني أرجع وقتها، وبعد كده مسألش فينا تاني ولا بيسأل على بنته، ولا بيشوفها وجيت عشان أرفع عليه قضية طلاق للضرر ونفقة".

وأمام تعنت الزوج قررت الزوجة اللجوء إلى محكمة الأسرة لإقامة دعوتى طلاق للضرر ونفقة.