سارة تقيم دعوى خلع داخل محكمة الأسرة.. والسبب: "بيقولي إنه غير ملزم"

"جوزي بيقضي مع أصحابه وقت أكتر ما بيقضيه معايا وعيالي، حاسة إني مش متجوزة، وبكلم نفسي طول النهار، وكل ده وبيرفض يصرف علينا وبيقولي أنا غير ملزم"، بتلك الكلمات وقفت الزوجة "سارة. م "أمام محكمة الأسرة تقيم دعوى خلع ضد زوجها، مشيرة إلى أن السبب الرئيسي في الخلع هم زملاء زوجها الذين يفضلهم عنها، على حد قولها، ويقضي معهم وقتا أطول مما يقضيه معها وطفليه التوأم.

وقالت الزوجة في دعوى الخلع، التي أقامتها ضد زوجها، أمام محكمة الأسرة، إن زوجها يستغل فترة الإجازات والمناسبات ليسافر مع أصدقائه خارج البلاد، وحينما طلبت منه السفر برفقته، أو قضاء الإجازة معهم، رفض، "جوزي في الويك إند وفى المناسبات بيسافر خارج البلد عشان يقضي إجازته، مش بيسافر لوحده طبعا، لكنه بيسافر مع زملائه، ولما طلبت منه إني أسافر معاه أكتر من مرة فكان بيرفض".

وتابعت الزوجة في دعوى الخلع، التي أقامتها ضد زوجها، أمام محكمة الأسرة، أن حالة زوجها المادية ميسورة، فهو يمتلك مصنعا خاصا به، "وينتمي الزوج إلى أسرة أرستقراطية ومعروف عنها الثراء، ورغم كده بخيل بيديني مصروفًا قليل جدا، مش بيكفي أشترى به طلبات طفلينا، والموضوع زاد على حده بقى يخرج وينبسط ويسافر مع أصحابه، وبيصرف على نفسه مبالغ مهولة عشان بس ينبسط، ويجي لحد عندي ويقولي أجيبلك منين".

وأضافت الزوجة في دعوى الخلع، التي أقامتها ضد زوجها، أمام محكمة الأسرة، أن اكتشفت أن الحياة مع زوجها بلا فائدة، فهي مطلوب منها أن تعمل وتنفق على طفليها، وزوجها يمتلك المال وينفقه على نفسه فقط، "اكتشفت إن الحياة مع جوزي ملهاش أي معنى، مطلوب مني أشيل هم أكل وشرب، وأستنى مصروفي الشهري اللي من والدى عشان أكمل مصاريف البيت، أو في المقابل أنزل أشتغل، ولم يستح مما يفعله رغم ثرائه لكنه مستني اللي بيقدمه ليا والدي من مساعدات، طلبت منه الطلاق رفض علشان هيدفع مؤخر كبير إضافة لنفقتي العدة والمتعة".

واختتمت الزوجة في دعوى الخلع، التي أقامتها ضد زوجها، أمام محكمة الأسرة، أن زوجها لا يستحي من تصرفاته، بل يطالبها بالتصرف في أموال، فضلا عن أن يؤكد لها أنه غر ملزم بالإنفاق عليها، "ده مش بيتكسف من اللى بيعمله معايا وبيعتبر إن عدم الإنفاق علينا حق مكتسب ليه، وقررت إن الإنفصال أفضل لأني لما أرفع عليه دعوى نفقة صغار، سأحصل على مصروف لطفليه أكتر من اللي بيقدمه".

وأمام تعنت الزوج قررت الزوجة اللجوء إلى محكمة الأسرة لإقامة دعوى خلع ضد زوجها.