جمال العدل يكشف تفاصيل خلافه مع محمد هنيدي: بعتله رسالة ومردش عليا (فيديو)

كشف المنتج جمال العدل عن سبب خلافه مع النجم محمد هنيدي، لافتة إلى أن بداية الخلاف كانت بعد تعاقد الأخير مع منتج آخر للجزء الثاني من مسلسل "أرض النفاق".

وقال جمال العدل خلال بودكاست "ابن كارك" مع كريم خطاب: "إذا في خلاف بيني وبين أحد من الوسط الفني لا اعاتب ولا ومن الممكن بعد مرور سنوات اقابله واشوف إنه في دور مناسب ليه ونتعاون مع بعض مرة أخرى طبيعي جدًا، لكن لو اخويا طبعا ازعل منه، يعني مثلا أنا زعلان من محمد هنيدي دلوقتي وبعدين اتقابلنا في الرياض سلمنا على بعض ولا في دماغي فكرة الشغل مع بعض، لكن جايز جدًا لو لقيت نص كويس ينفعه وهو عجبه أننا نشتغل مع بعض".

وأضاف: "بعت رسالة لمحمد هنيدي على الواتس آب، عشان عمل موقف معجبنيش بعتله صورة بعد لما مضي على الجزء التاني من مسلسلي (أرض النفاق) اللي هو مسلسلي، وشاف الرسالة ومردش رغم أن إحنا كنا على تواصل مستمر وبنبعت لبعض نكت ورسائل ونضحك ونهزر على الشات، لكن شاف رسالتي ومردش روحت زعلت منه على الملأ".

وتابع جمال العدل: "لأنى كانت عايز العتاب يبقي بيني وبينه لكنه مردش بالرغم ان احنا بنتكلم كل يومين وبنبعت لبعض نكت".

وتابع: "أنا عندي رأي غير كل الناس اللى بتقول إلا أخوك، أنا أزعل من أخويا، لكن مزعلش من ابن مهنتي لكن اخويا اللى من أبويا وأمي أزعل منه، وممكن نشتغل أنا وهنيدي مع بعض تاني".