بالفيديو.. مجدي عبد الغني : ماعرفش حارس هولندا ده شغل إعلانات

قال مجدي عبد الغني، لاعب النادي الأهلي ومنتخب مصر سابقًا، معلِّقًا على الإثارة الإعلامية لهدفه في مرمى منتخب هولندا في بطولة كأس العالم بإيطاليا عام 1990: "أنا مش بأذل أي حد، ده القدر، ربنا اللي عاوز كده".

وأضاف، خلال حواره مع برنامج "بدون مكياج" الذي يقدِّمه طوني خليفة على فضائية "القاهرة والناس"، السبت: "فيه حد اخترع الموضوع ده، بس الاختراع ده جه بفايدة كبيرة ليا، أنا بقيت مشهور بالجون ده".

وتابع: "أنا معرفش جون هولندا خالص، واللي حاصل في الإعلان ده أصلاً واحد شبهه، وإحنا مش مستخدمين اسمه الحقيقي علشان الحقوق".