صلاح يحرج أديب بفيديو عن مهاجمته للشرطة

بعد وصلة ردح ممتدة بين الإعلامي عمرو أديب والكاتب الصحفي خالد صلاح ، رئيس تحرير جريدة اليوم السابع بسبب انتقاد الأخير لحادث العريش الإرهابي الذي وقع صباح اليوم، عاد صلاح منذ قليل وقام بمشاركة فيديو عبر حسابه على موقع التواصل الاجتماعي "الفيس بوك" يظهر فيه أديب وهو يهاجم التقصير الأمني من قبل قوات الشرطة والجيش في الحادث الإرهابي بتاريخ ابريل 2015.

وكان الإعلامي عمرو أديب  قد هاجم الإعلامي عمرو أديب، بسبب تصريحات الأخير عن التقصير الأمني في حادث سيناء، قائلًا: «اللي ميشوفش يبقى أعمى القلب مش العين، إنت مبتشوفش يا خالد؟ يا أخي نخلي عندنا دم ونحس بقى، البلد مش مستحملة خالص، يا أخي عيب والله، مش عارف إنت بتعرف تقرأ ولا لاء».

وأضاف أديب، خلال برنامج «القاهرة اليوم»، الذي يقدمه عبر فضائية «اليوم»، «يا أخي عيب كده يا خالد، لازم يكون في حدود عن كده، الإرهاب مستني ده، عيب يا حبيبي، ما تكبروا بقى يا جماعة، البلد مش مستحملة، هو في أكتر من كده، نعمل إيه يا أخي، حتى الموقع بتاعك معندهمش مسئولية وحاطين لك صورة وإنت بتضحك، فين المهنية، بلاش حتى يا أخي في يومها تهاجم».

فيما رد خالد صلاح على أديب، خلال مداخلة مع البرنامج: «كان ممكن أرد في حتة تانية لكن أصريت أرد هنا»، فرد أديب: «رد في حتة تانية يا أخي»، فعلق صلاح: «يا عمرو بلاش تزايد على وطنيتي، وبلاش نمسك لبعض على الوحدة، قرائتك غلط للموضوع وأنا من حقي أرد»، فقال: «أنا مش بزايد بس ده كلام مستفز، دي صورة تحطها في الموقع وإنت بتضحك والناس ميتة، يا عم ده أنت رئيس تحرير، وبعدين إنت مش داخل على الهواء بمزاجك، ما أنا إللي مدخلك»، فرد صلاح: «دي مهنية كده؟»، فعلق أديب: «وإنت اللي عندك مهنية يا راجل».

فقال صلاح: «ده نقد جارح وتجاوز وخروج عن الأدب لا أقبله»، فرد أديب: «إنت متقيمنيش.. أما تعرف تبقى رئيس تحرير موقع ابقى تعالى اتكلم عن المهنية، وأنا مؤدب ومهني أكتر منك، تقبل كلامي ولما متقبلوش، بلاش قرف، متخلينيش أتكلم عن علاقتك مع خيرت الشاطر وأفتح وأطلع القديم».