الورقي
تعرف على حقيقة هجوم الفنان أحمد حلمي على محمد رمضان
حرص الفنان أحمد حلمي على توضيح حقيقة ما تداول على مواقع التواصل الاجتماعي حول هجومه الغير مباشر على الفنان محمد رمضان بسبب شراءه سيارتين فارهتين، وكان "حلمي" نشر صورة له بداخل سيارة "كوبر" صغيرة، وعلق قائلًا: " تقدر تبوح بسر ينفع الناس؟ للاسف لأ .. ماهو عيب الأسرار كده .. أكتر حاجه ممكن تفيد الناس بس للأسف مينفعش تتقال .. ده كلام في سرك ..شش".
ولكن التوقيت الذي كتب فيه "حلمي" هذه الجملة لم يكن في صالحه، حيث تم تفسيره إنه رسالة غير مباشرة للفنان محمد رمضان، ويسخر من شرائه السيارات الجديدة ولكن بطريقة ملتوية، وهذا ما حرص الفنان الكوميدي على توضيحه.
لذلك كتب أحمد حلمي رسالة للجمهور ورواد مواقع التواصل الاجتماعي يوضح فيها حقيقة هجومه على محمد رمضان، وأوضح أن كلامه كان لصديق له وليس موجه لــــ"رمضان".
وكتب "حلمي": "توضيح بسيط وسريع بخصوص ما حدث بعد نشر الصوره بتاعتي وأنا راكب العربيه الميني القديمه اللي كانت معايا في فيلم ظرف طارق .. و اللي الناس فهمت إنها بغرض إني بوجهه رساله لزميلي الفنان "محمد رمضان" وهذا ما أحزني كثيرًا".
وأكمل: "يا جماعه أنا لو عايز أوجه رساله لأي حد أعرفه كويس أو حتي معرفوش مش هعمل كده علي مواقع التواصل الاجتماعي .. لإني عمري ما عملت كده أبدًا لإني ببساطه ممكن ابعتله رساله علي موبيله أو هاكلمه في التليفون".
وأوضح: "أما الكلام اللي كان مكتوب تحت الصوره اللي كتير من الناس معرفش ازااااااااي بجد فسروه بالطريقه دي مع إنه فعلا مايخصش حد خالص غير واحد صاحبي هو الوحيد اللي هايفهمه لاني قايله بسبب موقف طريف حصل معانا و ليه علاقه بالعربيه الميني .. علشان كده نهيت الكلام المكتوب بـ " ده كلام في سرك ..... ششش".
واختتم: "زميلي العزيز " محمد رمضان " ... ربنا معاك و يوفقك دايما و تحقق كل اللي نفسك فيه في حياتك الفنيه".
