قال النجم كريم عبد العزيز، خلال لقائه في برنامج "السيرة" للإعلامية وفاء الكيلانى، المذاع على DMC: : "وأنا صغير كنت حرامى شاطر، كان لما والدتى تطلب حاجات من السوبر ماركت أو الفكهانى أروح أجيبها وأحطلها في (سبت) الحاجات وعمري ما رجعتلها الباقي تاني خالص".

بالفيديو.. ماذا قال كريم عبد العزيز عن "الاختيار 2"؟

وأضاف "كريم": "عرفت إن عادى ممكن الوالد ينفصل عن الوالدة بعد 20 سنة لما كبرت، ولكن أنا كنت مضايق وقتها لأنى بحب العزوة والعيلة، وبالرغم أن والدى ووالدتى انفصلوا وبشكل محترم لكن والدى كان متابع للمدارس والتربية وكل حاجة، ولما كبرت عرفت إن ممكن الراجل ميرتاحش مع مراته وينفصلوا أو العكس، ولكن لازم الانفصال يكون باحترام وشياكة".

وأوضح: "أنا كنت شقى وأنا صغير وبعمل مشاكل كتير ومش بحب الروتين، وحتى كنت محتار أدخل معهد سينما ولا أكون طيار، ومكنتش فاهم إيه العلاقة بين المهنتين ولكن لما كبرت عرفت إن الاتنين مفيهومش روتين وهو ده سبب حبى ليهم".

وتابع كريم عبد العزيز: "كنت بلوم والدى وأنا صغير على الانفصال وفى نص الطريق كنت بلوم والدتى، وبعد كدة صالحتهم على بعض في الآخر، وطبعا كنت زى أي طفل مضايق إن والدى انفصل عن والدتى، ولكن أمى كانت بـ 100 راجل وجامدة وقوية ولم تتزوج، عشانى طبعا أنا وأختى".

واختتم لافتاً أن زوجة والده هي أمه الثانية، ورغم عدم حبه لها في البداية إلا أنه بسبب وقوفها معه عندما يختلف مع والده ويعنفه، كانت تدافع عنه، مؤكدا: "عمرها ماكانت زوجة أب ولا والدى كان زوج أم لابنتها، وأنا بناديها بقولها يا (فرفورة) وبدلع والدى بقوله يا (زيزو)، وأنا أمى عايشة معايا في البيت ولما والدى بييجى ومعاه زوجته بيكونوا كلهم قاعدين سوا عادى".

ويستعد النجم كريم عبد العزيز لتصوير فيلم "كيرة والجن" مع النجم أحمد عز، حيث أنه ينتظر عرض فيلمه الجديد "البعض لا يذهب للمأذون مرتين"، الذي أكد أنه يتشابه في الخط الاجتماعي الخاص بالزواج والطلاق مع فيلم "البعض يذهب للمأذون مرتين" للمخرج محمد عبد العزيز.