الورقي
بسمة وهبة تكشف أسرار تشخيص إصابتها بشلل في الفك.. وتفجر مفاجأة
كشفت الإعلامية بسمة وهبة، عبر حسابها الرسمي على موقع
تبادل الصور والفيديو "إنستجرام" من خلال مقطع فيديو، عن إصابتها بشلل عضلي
في الوجه بعد تعرضها لخطأ طبى داخل أحد مراكز التجميل الشهيرة.
وقالت "وهبة" إن اصابتها جاءت نتيجة حقنة بوتكس وفيلر
فى الفك، ما أثر على الأحبال الصوتية، ورفضت ذكر اسم المكان الذى تعرضت فيه لهذه الواقعة،
حيث اعتبرت أن الأمر قد يكون حادث عارض، لكنها في نفس الوقت شددت على ضرورة الحرص فى
التعامل مع هذه المناطق الحساسة لأن الأمر قد يسبب كوارث.
وأضافت: "أنا من شهر كنت تعبانة جدا ومكنتش بأعرف افتح
بُقي ولا بعرف أكل ولا أدخل شوكة ولا معلقة ولا حتة عيش، وبعدين كنت بالصدفة موجودة
فى دبى ورحت لدكتورة شاطرة جدا وقالت لى ده ضغط عصبى وعندك شلل عضلى والعضلات فى فكك
مشدودة وتحتاج علاجا طبيعيا وأدوية".
وتابعت بسمة وهبة "أخدت الأدوية وعملت العلاج الطبيعى وملقتش
تحسن، فرحت لها تانى وقلت لها مفيش تحسن فعملت لى منظار مرة أخرى، وبعدين الست كانت
مستغربة وأنا قلت لها أنا معنديش ضغوط "استرس"، وأنا عمله روشتة لنفسى مخصوصة
وكل حاجة تضايقنى ببعد عنها، وكل حاجة حلوة بقرب منها، والدليل عمرى ما كنت بعمل فيديوهات
على إنستجرام وسناب شات بضحك واهزر فيها".
واستكملت: "أنا مش عاملة حاجة في حياتي غير إنى أنا اضحك
وبس، وإنتم عارفين أنا بحب التحدي وبحب ابقى مقاتلة، ولما رحت للدكتورة الست كانت هتتجنن
من سبب تعبي وقعدت تراجع معايا لورا لحد ما افتكرت من أسئلتها إنى عملت بوتكس وفيلر
من شهر وفى حقنة أخدتها فى الفك ودخلت على الأحبال الصوتية وهى اللى بوظت الدنيا كلها".
واختتمت الإعلامية: "هحط خط لا عايز اتكلم مين اللى عمل
لى كده ولا المكان وهو مكان محترم وكويس جدا وممكن أكون حالة حصلت غلطة، عايزة أقول
بس للناس تاخد بالها ويتقوا الله فينا ويكونوا حريصين وهما بيقربوا من المناطق دى،
والدكتورة قالت لى مش عايزة صوتك يبقى عالى"، مختتمة: "حب الحياة هو اللي
بيخلى الإنسان يتخلى عن مشاكله المرضية والصحية وحبيت احذر ولازم نحرص والناس تتقى
الله فينا".
