لبيب يكشف حقيقة تعيين ميدو فى الزمالك وعمرو اديب يقصف جبهة الاهلي ويقول" حاسس ان الدوري بتاعنا"

تحدث حسين لبيب رئيس اللجنة المعينة لإدارة نادي الزمالك عن حقيقة تولي أحمد حسام ميدو ملف فريق من حيث رئاسة لجنة الكرة.
وقال لبيب في تصريحاته عبر MBC Masr مع عمرو أديب: "أول قرار خدناه إننا مناخدش قرارات فردية لازم نجتمع الأول وناخد القرار والمتحدث الرسمي يطلع يقوله"

اضاف: "ولحد دلوقتي لسة محصلش أي اجتماع رسمي للمجلس الجديد وعشان كدة أي اخبار تسمعها متصدقهاش غير لما المتحدث الرسمي يطلع يقول"
وقال عمرو أديب موجها حديثه إلى لبيب عايزين الدوري السنة دي نقدر نعملها
ليرد الاخير قائلا:" ان شاء الله الدوري السنة دي للزمالك وطول العمر مش السنة دي بس"
أشار لبيب إلى أن ملف فريق الكرة هو الأهم بالنسبة للجنة في الوقت الحالي خاصة أن هناك مستحقات يريدون دفعها للاعبين وتجديد عقود النجوم.
وشدد على أن الحصول على موارد مالية أهم ما يشغل اللجنة في الوقت الحالي من أجل عودة الاستقرار إلى نادي الزمالك من جديد.

عمرو اديب يسخر من صعود الاهلي الافريقي وحاسس اننا هناخد الدوري 
سخر عمرو أديب من مطالبة إعداد برنامجه الحكاية بالحديث عن تأهل الأهلي إلى نصف نهائي دوري أبطال إفريقيا هذا الموسم.
وقال عمرو أديب ، في تصريحاته عبر برنامج الحكاية: "بتوع الإعداد عايزني أبارك للأهلي بعد الوصول لنصف نهائي دوري أبطال إفريقيا حاضر ماشي عشان الروح الرياضية ماشي نبارك للأهلي الوصول وإن شاء الله الزمالك ، ياخد الدوري وعمل مباراة رائعة قدام طلائع الجيش"
أضاف: "محتاجين نتكلم بقى عن الزمالك شوية الفريق رغم كل الظروف لعب لأخر دقيقة قدام طلائع الجيش وكان في روح مميزة وكسبنا في الدقيقة الأخيرة بعد ال90 ياريت نطلع ندي الفريق حقه ولا لازم بقى نبقي لابسين روح الفانلة الحمراء عشان نتكلم"
وختم اديب :" بعد اللي شوفته قدام الطلائع من الزمالك حاسس إننا هنكسب الدوري إن شاء الله ومش عايز أقاطع بس إنني أراها قريبة ويارب تفضل الروح دي موجودة ها كويس كدة يا إعداد؟" ،