كشفت المخرجة هبة يسري رمزي، عبر حسابها الشخصي على موقع التواصل الاجتماعي "فيسبوك" موقف مؤثر للفنانة الراحلة دلال عبد العزيز خلال تصوير مسلسل "سابع جار"، الذي عُرض عام 2017.

بعد وداع عطية في "ملوك الجدعنة".. كيف استقبل سرية وسفينة نبأ وفاة دلال عبد العزيز؟

وقالت "هبة يسري": "دلال عبد العزيز تستحق أن نحكي عنها مالم تحكيه ابدا و لو كنت رأيت منه القليل بالصدفة.. في إحدى المرات كنا بتصور في مصر الجديده لقيت حد بيكلمها كل شويه بيسأل عن المكان و جاي لقيتها بتقولي دي بنت بتتفرج عليه و عايزه تشوفني عشان مامتها اتوفت قريب و وحشاها".

إسعاد يونس لـ "دلال عبدالعزيز": بناتك وأزواجهم وحفيدتك في عنينا

وأضافت: "اتأثرت شويه بس كنا شغالين و مدام دلال طلبت شويه وقت لغايه ما البنت تيجي.. وصلت بنت بسيطه محجبه شايله بيبي ميكملش ٣شهور و جايلها من مكان بعيد جدا عشان بس تشوفها اول ما البنت شافت مدام دلال عيطت جدا و فضلت تحاول تمسك نفسها بس مقدرتش و انهارت في العياط ساعتها دلال خدتها في حضنها و فضلت تطبطب عليها و البنت تعتذر مكسوفه عشان ماتبقاش بتبشر بحاجه وحشه ودلال تقولها عيطي ولا يهمك و تدعيلها و قالتلها ما انا كمان ماما .. مش انا برده ماما البنت قالتلها انا عايزه اوريكي بنتي عشان ماما ملحقتش تشوفها خدتها و لاعبتها و اتصورا مع بعض و البنت قالتلها أن ده احلي يوم في حياتها و شكرتها و مشيت و دلال كملت تصوير عادي بنفس روحها و كأنها بتعمل ده علي طول".

سر الحزن الزائد لـ"يسرا" على وفاة دلال عبد العزيز وسبب غيابها عن وداعها

وتابعت "هبة": "البنت طلبت مني اصورهم و انا فضلت اتفرج  و اشوف اد ايه البنت البسيطه اللي جايه من مشوار طويل نزلت فرحانه و مبسوطه بحاجه بسيطه جدا دلال عبد العزيز عملتها منغير ما تفكر و لا تتردد ده موقف كان ليا حظ اني أحضره و عمرى ما شوفتها حكته لحد أو في برنامج او اتكلمت في الموقف لما خلص".

سلوى عثمان تتلقى خبر وفاة دلال عبد العزيز على الهواء.. وهذا رد فعلها

واختتمت حديثها قائلة: "يمكن مكانتش عايزه تحكي علي وهبه ربنا لها في حب الناس و قدرتها علي أسعادهم لكن هي دلوقتي تستحق الناس تعرف بجد هي اد ايه انسان نادر و بالذات أنها احتفظت بأنسانيتها و بأمومتها في حرب الفن و الظهور و النرجسيه اللي بتصيب الفنان مهما كان قوي و ثابت لكن الأضواء ليها مفعول سحري بيغير الناس إلا دلال عبد العزيز".

سارة عبد الرحمن: ممكن أتبنى طفلا.. ونفسي أعمل أكشن (حوار)

يذكر أن سادت حالة من الحزن الشديد على الوسط الفني، بعد وفاة الفنانة دلال عبد العزيز، عن عمر يناهز 61 عاما، بعد صراع مع المرض.