الورقي
طليقة وائل كفوري تروي كواليس "مشوار الذل" مع الأخير
كشفت أنجيلا بشارة طليقة الفنان وائل
كفوري، عبر خاصية الـ"story"
على حسابها الشخصي على موقع إنستجرام" عن معاناتها للحصول على نفقة أولادها من
طليقها.
"هيدي البناية اسمها.. اليوم
رح احكي عن الأم المطلقة (مدنيا) وطريقة استلام نفقة الولاد.. أنا شخصياً بسمي
(مشوار الذل)".
وأضافت: "بتنزل الأم على
المحكمة المدنية بالجديدة، قبل الساعة 12 أكيد بتصف سيارتها بالموقف إذا كان حظها
حلو وفي محل، إذا لا بدها تصف وتمشي بتفوت على محكمة وبتنزل لتاخد وصل بالنفقة،
إذا حظها حلو في ربع ساعة نطرة مش أكتر".
واستكملت حديثها: "إذا عاجقة
(زحمة) عندها ساعة كيف ما كان بتحمل هل وصل وبتمشي على السيارة لترجع تروح على
المالية، هناك ولا مرة رح تلاقي محل تصف السيارة اصلا، بتصفها شوي بعيد وبتمشي،
بتطلع على رابع طابق وبتقدم الوصل وبتنظر نصف ساعة(إذا كان في زحمة لتخلص
المعاملات) بتاخد وصل تاني وبتروح على شباك الاستلام، كمان عندها نظرة ربع ساعة
إذا ما كان في زحمة وحظها حلو".
واختتمت انجيلا قائلة: "عندي
سؤال واحد بس، ليش فاهمين الفكرة غلط بهل البلد، ما عم بحكي عن الكل أكيد، الأم
المطلقة مش يعني لازم "تتعذب" و"تتقاصص" و"تنذل"
و"تتبهدل" و"تتعلم درس" و"تتربى".
