الورقي
موكلي الشيخ محمود راجل يعرف ربنا.. تفاصيل محاكمة المتحرش بفتاة ميكروباص التجمع
أنكر السائق المتحرش بفتاة ميكروباص التجمع الخامس، التهم المنسوبة إليه، قائلًا: "معملتش حاجة دي كانت راكبة جنبي وما حصلش حاجة".
محاكمة السائق المتحرش بفتاة ميكروباص التجمع الخامس
وطالب المدعي بالحق المدني، أثناء استماع محكمة جنايات القاهرة، المنعقدة بالتجمع الخامس، لأقوال الدفاع في محاكمة سائق لإدانته بالتحرش بفتاة داخل ميكروباص التجمع الخامس، بتعويض مناسب تراه المحكمة للمجني عليها.
فيما طالب دفاع المتهم ببراءة موكله، قائلًا: التهم كيدية وملفقة، ودفع بعدم تصور الواقعة وابتزاز ومساومة المتهم، وخلو الأوراق مما يثبت التهمة.
وتابع دفاع المتهم: "الشيخ محمود دا راجل يعرف ربنا، ده جاي من السعودية، والمجني عليها عايزة شو، وكانت بتتكلم في التليفون بألفاظ خارجة".
فيديو يوثق جريمة المتحرش بفتاة ميكروباص التجمع الخامس
يذكر أن الأجهزة الأمنية، كانت كشفت ملابسات مقطع فيديو، متداول على موقع التواصل الاجتماعي «فيسبوك»، بشأن تعرض فتاة للتحرش من قبل سائق سيارة ميكروباص.
وبحسب فحص، وحدة الرصد والمتابعة الأمنية، تضمن مقطع الفيديو، بالفحص تبين قيام طالبة مقيمة بدائرة قسم شرطة ثان أكتوبر بالجيزة، بتحرير محضر بقسم شرطة التجمع الخامس بالقاهرة لتضررها من قائد سيارة «ميكروباص»، لقيامه بالتحرش بها أثناء استقلالها السيارة معه بالكرسي المجاور له، تم تحديد مرتكب الواقعة وتبين أنه (مقيم بدائرة مركز شرطة الصف بالجيزة).
وتمكنت الأجهزة الأمنية بالقاهرة من ضبطه حال استقلاله المركبة المشار إليها، وبمواجهته اعترف بارتكابه الواقعة على النحو المشار إليه، وتم اتخاذ الإجراءات القانونية.
اعترافات المتحرش بفتاة ميكروباص التجمع الخامس
وكان السائق اعترف بارتكابه الاتهامات المنسوبة إليه، أثناء تحقيقات النيابة، يوم الأحد الموافق 21 نوفمبر الماضي، وبسؤاله عن قوله فيما هو منسوب إليه بهتك عرض المجني عليها رانيا سليمان، أجاب: "ما حصلش وأنا ما فيش أي حاجة عملتها، هي كانت قاعدة جنبي في الميكروباص بقاعده مش كويسة فأنا افتكرتها عاوزاني ألمس جسمها فأنا لمسته".
وأضاف: "اللي حصل إن أنا كان في واحدة راكبة معايا الميكروباص يوم 6 نوفمبر 2021، في الميكروباص جنبي وكانت قاعدة مش مضبوطة، وكانت لابسة بلوزة طويلة وراحت رفعة البلوزة من ناحية الشمال فأنا حطيت إيدي جنب الكرسي بتاعها، ورحت محسس على المكان اللي هي رفعت فيه البلوزة وكان جنبها الشمال والكلام دا كان بإرادتها، عشان هي اللي رفعت البلوزة وفي الآخر لما نزلت من الميكروباص، كانت بتصور وقالتلي أنا هتشهر وهبقى ترند على حسابك، وهو دا كل اللي حصل وبعد كدا كنت قاعد في بيتي لقيت الحكومة خدوني وخدوا العربية اللي كانت معايا".
وعند سؤاله عن مكان وتوقيت حدوث الواقعة، أجاب: "الكلام دا كان يوم السبت 16 نوفمبر، حوالى الساعه 11ونص، في الميكروباص اللي أنا شغال عليه لحد ماهي نزلت في شارع التسعين بالقاهرة الجديدة، وأنا اتمسكت يوم الثلاثاء 18 نوفمبر".
