متابع يهاجم ميار الببلاوي على «السوشيال ميديا».. وترد: أنا بين الحياة والموت

كشفت الفنانة ميار الببلاوي عن تعرضها لأزمة صحية، وسفرها إلى أمريكا، لتلقي العلاج هناك، وذلك بعد ردها على أحد متابعيها، الذي انتقد مشاركتها لتفاصيل حياتها الشخصية عبر «السوشيال ميديا».

بدأت القصة بإعلان «ميار» عن كسر شاشة هاتفها المحمول، موضحة أنه سقط من يدها على الأرض، بسبب الإرهاق وتعب أعصابها، نتيجة خوفها وقلقها على ابنها، الذي نقل، مؤخرًا، إلى المستشفى.

وكتبت، عبر حسابها على موقع التواصل الاجتماعي «فيس بوك»: «معلش يا جماعة موبايلي جاب شاشة الحمد لله على كل شيء وحاولت انقل الداتا من صور وفيديوهات بس قدر الله وماشاء فعل.. اللى هيتواصل معايا فقط خطي اتصالات اللي شغال ولو حد يعرف شاشة الشامسونج الفيليبو اللي بيتفتح دا بكام ياريت يقولي.. بس براحة عليا والنبي قلبي مش مستحمل بس بقول فدا ابني.. أنا أصلًا أعصابي تعبانة من خضتي عليه وقلة النوم. طار من إيدي وقع على البورسلين محطش منطق».

ورد أحمد متابعي «ميار» عليها بقوله: «يا دكتورة هي كيميا حوار شاشة مش مستاهلة كل بوستات دي.. إحنا أرزقية وعلى باب الله.. ولو معانا بنصلح.. مش معانا بنمشي نفسنا لحد ما ربنا يفرجها».

وأبدت ميار الببلاوي استيائها من هذا الرد، فـ كتبت له: «بجد هو أنا أوفر لما بجري عليكم لما يحصلي حاجة لما ببقى زعلانة أو فرحانة أو تعبانة ما أنا بحبكم أوي من غير ما أشوفكم ودعائكم بيفرق معايا دا بفضل دعاء أمي ودعائكم ربنا نجاني وأنا بين الحيا والموت في أمريكا».

وتابعت: «أنتو بتهونوا عليا وحدتي وبطبطوا على قلبي مدفياه بيكم حتى لو بينا عالم افتراضي  مش هزعل قولولي لو أنا أوفر وأنتو بتزهقوا مني لأن المسج دي خوفتني الصراحة.. صباحكم رزق وهنا وكلنا على باب الله».

ميار الببلاوي تطلب الدعاء لابنها:

كانت الفنانة ميار الببلاوي أطلقت صرخة استغاثة لإنقاذ ابنها، وقالت إنه يموت بين يديها، وإنها عاجزة عن إنقاذه.

وكشفت، في تصريحات صحفية، أنه كان يعاني من جرثومة المعدة، وأن أعراضه صعبة، مشيرة إلى أنه تحسن بعدها، وأنه يستكمل علاجه عن طريق المحاليل بالمنزل.