الورقي
سالي عبد السلام تكشف معلومات عن زوجها.. «مش رجل أعمال» (صور)
كشفت المذيعة سالي عبد السلام عن هوية زوجها، وذلك بعد مرور أيام قليلة على زفافهما.
ونشرت «سالي»، عبر حسابها على موقع التواصل الاجتماعي «فيس بوك»، صورة لها مع عريسها، وكتبت عليها: «الحمد لله الذي تتم بنعمته بالصالحات، ما شاء الله اللهم بارك.. لما يتقالي مصر كلها فرحنالك ده رزق، لما الناس دب كلها اللي بحبها تيجى ده رزق، وكل واحد عمل شغله بحب فى الفرح ده رزق، وإنه يتقالي قفلتي الجيزة كلها ومفيش مكان في باركينج الأوتيل الناس بتركن برا صف تالت عشان تجيلكوا ده رزق وإحنا آسفين».
وتابعت: «طول عمري كان نفسى اتجوز ظابط محترم وطيب وبيخدم الناس لله، وربنا رزقني بظابط مهندس المقدم مؤمن الباز، ابن عمدة الشرقية الحاج سالم حبيبي الله يسعده».
وأضافت: «صبرنا أنا ومؤمن 36 سنة وهو صبر 4 أيام أكتر، لأنه هو أكبر بـ4 أيام، وكل المعلومات اللي الإخوة الصحفيين كتبوها مش صح لا رجل أعمال ولا خريج الجامعة الأمريكية، الحمدلله حمدًا كثيرًا، وبرضه محدش هيصدق عرفنا بعض إزاي».
وأنهت حديثها: «يا طيب يا جدع يا محترم يا خدوم يا ابن الحلال.. بحبك في الله يا طيب.. ربنا يرزق الكل يارب.. ادعولنا محتاجين دعوات كتير أوي.. جبرنا بخاطر الكل يارب أجبر بخاطرنا».
كانت سالي عبد السلام احتفلت بزواجها على مؤمن سالم الباز، بأحد الفنادق الكبرى بالقاهرة، والمطلة على النيل، بحضور عدد من نجوم الفن والإعلام، وأبرزهم: توفيق عكاشة وزوجته حياة الدرديري، ومفيدة شيحة، وسيمون، ومحمد منير، ومنى عبد الغني، وسهير جودة.
ولم تكشف «سالي» عن هوية زوجها أو عمله، وقتها، وأوضحت أنها ستعلن كل ذلك فيما بعد.
