مدحت صالح: عملت أغنية مهرجان ولكن مغنتهاش في الحفلات

كشف النجم مدحت صالح، عن طرحه لأغنية مهرجانات تحمل اسم "ده إيه ده" ولكن على طريقته الخاصة، لافتًا على أنه لم يغنيها في الحفلات.

وأضاف مدحت صالح، خلال لقائه في برنامج "حبر سري"، مع الإعلامية أسما ابراهيم، على قناة القاهرة والناس: "عملت أغنية مهرجانات اسمها (ده إيه ده) بس أنا مغنتهاش في الحفلات لحد دلوقتي، وطرحتها بالشكل اللي أنا احبه.. وجبت الشباب اللي هما موهوبين في الحكاية دي وقعدوا معايا اختارت الكلام بشكل معين وعندما طرحت على يوتيوب الناس حبوها جدًا".

وتابع مدحت صالح: "عملت الأغنية من خلال وجهة نظري، ولذلك أنا بحب الناس دي لأن هما لما بيتوجهوا بيعملوا فن كويس".

يستعد النجم مدحت صالح، لإحياء حفل غنائي، بدار الأوبرا، ضمن حفلات “صوت السينما”، الذى يقدم أشهر أغانى أفلام السينما المصرية بتوزيع أوركسترالى جديد، وتشاركه المطربة ريهام عبدالحكيم.