مرتضى منصور يرد على أنباء منعه من دخول الزمالك وتعيين لجنة مؤقتة

رد المستشار مرتضى منصور على النبأء التي ترددت عن منعه من رئاسة نادي الزمالك، وتعيين لجنة مؤقته لإدارة النادي، تنفيذا الحكم القضاء الإداري بعزله، عقب سجنه لمدة شهر، بتهمة سب وقذف رئيس نادي الأهلي محمود الخطيب

مرتضى منصور برد على منعه من دخول النادي

وقال المستشار مرتضى منصور في تصريحات عبر قناته الخاصة على يوتيوب: "حد ضرب اشاعة كدة وقالك مرتضى ممنوع من دخول النادي، لكن أنا حرصت على النزول دلوقتي، وشكلي هجيب أمن خاص عشان يمنع بتوع الإشاعات من أنهم يدخلوا النادي".

وأضاف: “الضرب مش فيا الضرب في نادي الزمالك، اللي عنده ماتش مهم في كاس مصر ضد الأهلي في الطايرة، وكمان ماتش سيراميكا، اللي زادت أهميته بخسارة فيوتشر من الداخلية والفرق هيبقى 6 نقط لو كسبنا، وندخل إفريقيا، خاصة أنه لسة عندنا ماتش ضد فيوتشر نفسه”.

وتابع: “الأهلي عمال يتزق ويتنفخ ولو عايز 50 ألف يدخله 100 ألف، لكن احنا لازم نتحارب”.

وأتم بالقول: "بالنسبة لاخبار اللجنة المؤقتة إزاي محمد الأتربي رئيس بنك هيبقى مدير مالي، وهشام نصر اللي موقوف هيجي في اللجنة المؤقتة، إزاي يا جماعة، بلاش نشير الأخبار الكذب، أنا عشر سنين كنت برا نادي الزمالك، النادي نزل تحت مكنش فيه نادي، كل الأخبار والأسماء اللي اتقالت للجنة غلط، لجنة إيه ما أنا مكمل شغلي وباجي اهو".

وتحدث مرتضى منصور عن فريق الكرة الطائرة قائلا: "فريق الطايرة فريق رجالة وباسميهم كوماندوز، السنة دي شرفتونا وفي السلة شرفونا، وفي انتظار ان اليد تشرفنا في إفريقيا، لما الثنائي المحترف مشي قالوا مفيش دوري طايرة لكن بعظمة وقتال لاعيبة الزمالك حصدتم الدوري وفاضلكوا خطوة واحدة لحصد الكأس".

وتابع مرتضى منصور: "صرفنا جزء من مستحقات لاعيبة الطايرة الرجالة،

وأضاف: “الخطيب داخل الصالة في ماتش طايرة البنات، بعد ما لعيبة الزمالك تاخد الميداليات هي دي الروح الرياضية”.

بسوبر هاتريك.. كاستيلانوس يقود جيرونا لاكتساح ريال مدريد في الليجا الإسباني

وعاد مرتضى منصور للحديث عن حكم عزله قائلا: "الحكم بتاع عزلي موقوف بالقانون، لأنه في استشكال، لكن بلاش تزهقوني، وعادل صبري هو اللي مسرب خبر وأسماء بتوع اللجنة المؤقتة، الخبر الكاذب وغير الصحيح".