الورقي
مصطفى هريدي: أنا مش مدمن وبتوع السوشيال ميديا بيؤذوني ويشوهوا سمعتي
كشف الفنان مصطفى هريدي، تفاصيل حادث الشيخ زايد الذي تورط فيه وأسفر عن إصابة 4 أشخاص عن طريق الخطأ، بعدما صدمهم بسيارته، وحُكم عليه بالسجن عام وكفالة بقيمة 2000 جنيهًا، وانتهت المسألة في النهاية بالتصالح وانقضاء الدعوى الجنائية.
مصطفى هريدي: لما عملت الحادثة ما كنتش نايم كويس لأني كنت باسعى في شغل غير الفن
وبحسب «هريدي»، خلال لقائه في برنامج «الستات»، الحادث لم يُثبت إنه مدمن أو أنه كان متعاطي لأي نوع من أنواع المخدرات أو الكحول، وأن النوم غلبه لأنه لم ينم منذ فترة كبيرة، مُضيفًا: "كنت باسعى في شغل غير شغل الفن ومسافر في الغردقة بقى لي أسبوع، وأغلب وقتي بصحى بدري وبقابل ناس في النهار وبنام متأخر، وفي أسبوع عدى علي إجهاد، واللي حصل قلة نوم ونمت على الدريسكون وبتحصل لأي حد وكتير اتعرضوا ليها، والناس بتبص لينا بصة مختلفة وبتصدق الوحش قبل الحلو والحاجات دي لم تثبت".
وأكد أن الحادث لم يتسبب في وفاة أحد وأن المصابين تم شفائهم، قائلًا: "الولاد كلهم خفوا وكل حاجة خلصت، ومافيش حد توفي والولاد ماكنوش يعرفوا إني ممثل وهما بسطاء وطيببن وشباب صغير ومن بيوت محترمة ومن إمبابة اللي فيها الأصالة وناس كويسين، واللي حصل أن السوشيال ميديا راحوا بيوتهم وسجلوا معاهم فيديوهات وكانوا بيتعاملوا مع الولاد وهما تحت تأثير العلاج، وخلوهم يتكلموا كلام مش حقيقي".
مصطفى هريدي: ليه بتوع السوشيال ميديا بيؤذوني ويشوهوا سمعتي
وتابع الفنان مصطفى هريدي حديثه في هذا الشأن، قائلًا: "الناس مش عاوزين حاجة ولكن المحامين دخلوا في الموضوع وقالوا لهم إنه ممثل ومعاه ملايين، وهنأمن لكم مستقبلكم ولما روحت بيوتهم لقيتهم ناس بسطاء وقالوا مش عاوزين حاجة وهو قضاء وقدر وهما ناس في منتهى الاحترام واتصالحنا لأني عوضتهم عن تلفيات العربية".
واختتم حديثه، بالإشارة إلى زعم البعض على السوشيال ميديا أنه يتعدى على الناس افتراءً، ما يضره ويضر سمعته، مُتسائلًا: "ليه بتوع السوشيال ميديا ليه بيضروني وبيأذوني وبيشوهوا سمعتي والولاد خفوا واتعالجوا وعايشين حياتهم طبيعي!".
