الورقي
مدحت صالح عن الغناء بالذكاء الاصطناعي: عمرو مصطفى بيلعب وهنشبع مزيكا
كشف الفنان مدحت صالح عن رأيه في الجدال بشأن استخدام الذكاء الاصطناعي في صناعة الغناء، ومشروع الملحن عمرو مصطفى؛ إحياء أصوات مطربي الزمن الجميل.
مدحت صالح: عمرو مصطفى بيلعب في تقنية الذكاء الاصطناعي وهنشبع مزيكا
وبحسب «صالح» خلال مؤتمر صحفي بدار الأوبرا المصرية: "مش عارف عمرو مصطفى قال إيه بالظبط ولكن في إمكانية إننا ناخد بصمة صوت أي حد، سواء رحل عن عالمنا أو عايش، ويتم توظيفها".
وأضاف: "فيه تكنيك تاني في التكنولوجيا، إننا ناخد الصوت فقط ونركب عليه مزيكا، ودا المشروع اللي كنت باقدمه للدولة عشان نشتغل عليه في الإذاعة، وممكن ناخد الأصوات دي ونخلي كل الناس مواليد 2023، وأنا بعمل كدا".
وتابع مدحت صالح: "عمرو مصطفى بيلعب في التقنية دي، بياخد صوت حليم وبيعمل لحن، وبردو الست أم كلثوم، فماحدش هيقرب من البناء الأساسي للحن، مش هلعب في اللحن ولكن بنحاول نزود متعة الجرعة السمعية".
واختتم الفنان مدجت صالح حديثه في هذا الشأن، قائلًا: "عارفين الكلمات بس عايزين جرعة أكتر من المزيكا، الشبع من المزيكا، كل أغنية قبل كدا كنا بنقول عايز أشبع مزيكا، هيحصل دلوقتي".
ووصف محاولات إعادة إحياء أصوات مطربي الزمن الجميل، بأنها محاولة للتحديث والحفاظ على ما تبقى من التراث الغنائي، لكبار المطربين سواء الراحلين أو ما بقي منهم على قيد الحياة، وأن الفكرة هي حالة حب لكل فنان لعدد من ملحنين يختار منهم، مُضيفًا: "باحلم إن كل زملائي يكملوا ويشوفوا بيحبوا مين من الملحنين ويقدموا أعمالهم، بس الإضافة إننا بنعيد هرمنة الأعمال دي، وطول عمرنا نطلع نقول أعمال هو بيحبها، انا عايزين نحدث الموضوع لأن دا هدف، لأن الزمن بيتطور".
تفاصيل مشروع مدحت صالح بدار الأوبرا
واختتم مدحت صالح حديثه في هذا الشأن، قائلًا: "ندي فرصة لما يكون عندي الهرموني بتدي فرصة للفرق الصغيرة، لما يشتغل هنلاقي نفسنا بنسمع الأعمال وبنحدثها، عندنا إمكانيات عظيمة في الجغرافيا دار الأوبرا، عندنا أشهر عازفين مافيش حاجة ناقصة غير أننا نحافظ على تراثنا، ونقوله للناس وإعادة صياغة للمكتبة الموسيقية.
يُشار إلى أن مشروع مدحت صالخ بدار الأوبرا، يهدف إلى إعادة إحياء كوكبة من أهم أعمال الموسيقى العربية، لكبار الملحنين المصريين والعرب، وحضر هذا المؤتمر مجموعة من الإعلاميين والصحفيين لتغطية تفاصيله.
