"بخيل مش بيصرف علينا".. "هبة" تطلب نفقتها وأولادها بمحكمة الأسرة

«بخيل مش بيصرف عليا وعيالي، 10 سنين عايشة في ذل، حاولت كتير معاه لكن هو بيرفض يطلع جنيه»، قررت الزوجة "هبة. ع" اللجوء لمحكمة الأسرة، لإقامة دعوتي خلع ونفقة، بعدما توسلت لزوجها الإنفاق عليهم، ولكنه رفض دون مبرر.

وقالت الزوجة في دعواها أمام محكمة الأسرة، بأن كل خلافاتها مع زوجها بسبب الفلوس، والمصروف الشهري للمنزل، حيث يرفض الزوج الإنفاق عليها هي والأولاد دون سبب، حاولت التأقلم على المبلغ الشهري الذي يتركه لها ولكنها فشلت في تيسير الأمور بسبب زيادة المسئوليات عليها، وأضافت: «حاولت أمشي الدنيا بالفلوس اللي بيسيبهالي بس مش عارفة عشان قليلة جدًا، وكل خناقاتنا على الفلوس اللي مش راضي يزودها دي».

وتابعت الزوجة في دعواها أمام محكمة الأسرة، بأن الخلافات استمرت بسبب المصروفات التي يقللها الزوج مع بداية كل شهر، وبعد محاولات كثيرة لإصلاح الأمور بينهما كان الزوج سبب تفاقم المشكلات؛ بسبب إصراره على رفضه للإنفاق عليهما، موضحة: « الخناقات بينا كل يوم بسبب الفلوس اللي مش راضي يسيبهالي ليا أنا والعيال، وكل ما أقوله على الفلوس يقول لي مزاجي كدا ومش هصرف إذا كان عاجبك».

وأضافت الزوجة في دعواها أمام محكمة الأسرة، بأنه وبعد معاناة دامت لعشر سنوات قررت قصد محكمة الأسرة ورفع دعوتي خلع ونفقة تطالب فيها بحقها هي وأولادها، مؤكدة: «فقدت الأمل إنه يتغير ومبقتش عارفة أعمل إيه معاه تاني، وكل ما أجي أكلمه يقولي مزاجي وممشي الدنيا بالمزاج، وأنا زهقت من كتر الخناقات ليل ونهار بسبب المصاريف، رفعت قضية نفقة عشان أعرف أخد حقي أنا والعياله منه».