دينا: "اتجوزت 9 مرات والطلاق كان بيبقى بسبب إني رقاصة"

كشفت الممثلة والراقصة دينا، عن عدد زيجاتها قائلة: "اتجوزت 9 مرات، مش رقم مفزع، تحية كاريوكا اتجوزت 13 مرة، أنا معنديش مانع أتجوز، بستغرب من اللي بيقول مش هعمل كده تاني تعرف منين الدنيا هتوديك فين، أنا مكنتش مخططة إني أتجوز 9 مرات، لو عليا أكيد لأ، أصحابي لما واحدة تطلق كنت بمنعها".

دينا

وأضافت دينا خلال لقائها في برنامج "القاهرة اليوم" للنجم إدوارد ونانسي مجدي، على قناة "ألفا اليوم" حيث قالت: "أكتر واحد حبيته كنت صغيرة جدا وأتوفى وأنا عندي 15 سنة، اتخطبنا وعملت خطوبة ولبست فستان أبيض قصير عندي صوره لسع، كان أخو النجم هادي الجيار كان اسمه طارق الجيار الله يرحمه، دا أول وأهم حب في حياتي".

وتابعت "أنا رومانسية جدا، بس الحب مش موجود أنت بتخلقه، مفيش حاجة اسمها حب أنت اللي بتبقى عايز تعيش في حالة حب فبتعيش اللحظات السعيدة اللي بتديها لنفسك لحد ما البلونة تفرقع، الحب اللي من أول نظرة دا في المسلسلات التركي".

وعن أسباب فشل زيجاتها، قالت دينا: "حبيت كتير، حبيت ناس ارتبط بيهم وحبيت ناس مرتبطش بيهم، أنا مهنتي مش سهلة وارتباط راجل بيا مش سهل ولازم يبقى عندة كمية ثقة بالنفس غير طبيعية، أنا اتطلقت كل الطلاقات عشان أنا رقاصة كل الجوازات مكملتش 3 أو 4 سنين، أقصر جوازه كانت سنتين وأطول جوازه كانت 5 سنين.

كما ردت دينا على تعليقات الجمهور الذي يتحدث أن سنها لم يعد مناسبا لمزاولتها لمهنة الرقص قائلة: "أنا حرة، هو أنا بروح لهم أخبط عليهم في البيت أرقصلهم اللي بيضايق ميتفرجش، شغلتنا أنت بتجيبني بفلوس مش ببلاش أنت بتدفعلي، المكان بيجبني بيدفعلي لو أنا مش كفء لا هيجبني ولا هيدفعلي".