ورث البنات.. سلوى تبحث عن حق بناتها داخل محكمة الأسرة

«جوزي مات وأولاده سرقوا حق عيالي، قالولي دول بنات والبنات مش بتورث، كل ده بسبب إني زوجة تالتة ومش والدتهم»، كلمات وقفت بها "سلوى. م" أمام محكمة الأسرة، بسبب أولاد زوجها الذين استغلوا وفاة والدهم وسرقوا حق إخوتهم بحجة أنهم بنات ولا ورث لهم، وكانت فعلتهم نتيجة كره متراكم منذ سنوات عديدة،  فالزوجة هي الثانية وليست الأم، وبالرغم من معاملتها الطيبة معهم لم تجد منهم القسوة والغدر، حتى قررت اللجوء إلى محكمة الأسرة حتى تحصل على حقوقها.
وقالت الزوجة في دعواها أمام محكمة الأسرة، بأن زوجها توفي منذ عام تقريبا، وكانت هي الزوجة الثالثة، تزوجته وأنجبت منه 3 فتيات، « كنت عارفة إنه اتجوز اتنين قبلي قبل كدة وكنت موافقة عادي، ومن ساعة ما اتجوزته مشوفتش منه حاجة وحشة كان راجل زي باقي الرجالة، بيحصل خناقات وبنتصالح عادي والدنيا كانت ماشية»
وتابعت الزوجة في دعواها أمام محكمة الأسرة، «مرات جوزي الأولى كانت مبتخلفش ودلوقتي كبيرة في السن، عشان كدة اتجوز عليها التانية وبعدما اتجوزها وخلف منها ولدين، لقاها بتاعت مشاكل عشان كدة اتجوزني وبعد جوازنا مشاكلها كترت وكل فترة مشاكلها بتزيد عن الأول، لحد ما جوزي زهق منها وطلقها، أنا مكنش ليا علاقة بطلاقها ولا علاقة بأي واحدة فيهم».
وأكملت الزوجة في دعواها أمام محكمة الأسرة، أن الخلافات بينهما بدأت بعد وفاة زوجها، فكانت لاتنتهي، حتى استولى أولاد زوجها على كل ممتلكاته، حتى تلك التي سجلها الوالد باسم بناته، وعندما حاولت التحدث معهم، كان ردهم بأن البنات لا ترث، «هما بيكرهوني لأن أمهم مفهماهم إني سبب طلاقهم، بس ده مش صح ومحصلش وأنا عمري ما كنت وحشة معاهم، لكن هما الطمع والكره عماهم وخلاهم مش شايفين غير نفسهم وبس، حاولت مع كل الناس أنها تتدخل وتحل المشاكل اللي حصلت لكن مفيش فايدة معاهم واخدين كل حاجة تخصني أنا وبناتي وبيقولوا ملناش حق، لحد ما اضطريت أرفع قضية إعلام وراثة عشان أعرف أخد حق بناتي».

وأمام تعنت أبناء الزوج قررت الأم اللحوء لمحكمة الأسرة لإقامة دعوى إعلام وراثة لإثبات حق بناتها من ورث والدهم.